2 Samuel 6:22 - Q'eqchi Bible

²² Ut q'axal wi' chik tinkub'si wib' anaqwan. Sa' aach'ool laa'at naq tinkub'si inwankil, ab'anan tintaw inloq'al chiruheb' li moos ixq nakaye”.

Li Santil hu

²² Kꞌaxal cuiꞌchic tincubsi cuib anakcuan chiru xbe̱n cua. Cha̱cuu la̱at ma̱cꞌaꞌak inlokꞌal. Abanan qꞌuebilak inlokꞌal xbaneb li mo̱s ixk li yo̱cat chixyebal, chan.

2 Samuel 6:22 ပူးပေါင်းရင်းမြစ်များ

1 Pedro 4:14

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Li xHu LAJ JOB 40:4

“Xin'aatinak chi maak'a' xyaalal: k'a' ta chik ru tinye? Us tintz'ap li we rik'in li wuq'.

Génesis 32:10

moko ink'ulub' ta xk'ulb'al laawusilal ut laachaab'ilal li xak'ut chiwu laa'in aj k'anjelin chawu! Xb'aan naq ka'ajwi' linxuq' wan chaq we naq kinnume'k junxil sa' li nima' Jordán, ut anaqwan wiib' siir kab'al wank we.

1 Pedro 5:6

Chekub'si b'i' eerib' rub'el li xloq'laj wankilal li ruq' li Yos, re naq tixtaqsi eewankil naq taawulaq xq'ehil.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

San Marcos 14:66

Naq laj Pedro wank taq'a chi neb'aal, kiwulak jun li ixq, xmoos li xyuwa'il aj tij.

2 Samuel 6:21

Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

2 Samuel 6:23

Ut lix Mikal, xrab'in laj Saúl, ink'a' kiwank xk'uula'al chalen naq kikamk.

Salmos 131:1

B'ich re li taqsink. Xsaalm laj David. At Qaawa', ink'a' ninnimob'resi wib' chi moko ninq'etq'eti wib'. Ink'a' ninsik' xninqal ru na'leb' chi moko k'a' re ru jwal ch'a'aj cho'q we.