2 Samuel 5:7 - Q'eqchi Bible

⁷ Ab'anan laj David ki'ok sa' li kawub'resinb'il ochoch re Sión, li xTenamit laj David chik naxk'ab'a'in.

Li Santil hu

⁷ Usta ac cauresinbil chi us li tenamit, abanan laj David quinumta saꞌ xbe̱neb ut qui-oc saꞌ li naꞌajej Sión. Toj chalen anakcuan “Xtenamit laj David” nayeheꞌ re li naꞌajej aꞌan.

2 Samuel 5:7 ပူးပေါင်းရင်းမြစ်များ

1 Reyes 2:10

Laj David kiq'ajk kisutq'iik rik'ineb' li xna' xyuwa' ut kimuqe'k Jerusalén sa' li xtenamit.

2 Samuel 6:16

Naq li xLoq'laj Kaax li Qaawa' ki'ok sa' xTenamit laj David, lix Mikal, xrab'in laj Saúl, yo chi ilok sa' b'entaan, ut naq kiril li awab'ej yo chi pisk'ok ut xajok chiru li Qaawa', kixtz'eqtaana sa' li xch'ool.

2 Samuel 6:12

Kiyehe'k resil re li awab'ej David chanru naq li Qaawa' kirosob'tesi li xjunkab'al laj Obededón ut chixjunil li k'aru re sa' xk'ab'a' li Loq'laj Kaax. Tikto laj David koho sa' rochoch laj Obededón re xk'amb'al li xLoq'laj Kaax li Yos aran Jerusalén, chi k'ajo' xsahil li xch'ool.

Apocalipsis 14:1

Kin'ilok wi' chik, ut wank aran li Karneer xaqxo sa' xb'een li tzuul Sión, rochb'eeneb' kaahib' xwaqxaqk'aal mil (144,000) chi poyanam, wank li xk'ab'a' li Karneer ut li xk'ab'a' li xYuwa'eb' tz'iib'anb'il chi xpeekemeb'.

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Romanos 9:33

jo' naxye li Santil Hu: “K'ehomaq reetal, tink'e aran Sión jun li pek re tichk'ob'aal, taawanq aran jun li luktesib'aal ch'oolej. Li ani taapaab'anq re a'an, ink'a' taakaqo'q xb'aan xxutaan”.

Miqueas 4:2

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Isaías 59:20

Ab'an sa' li tzuul Sión taachalq jun aj Kolonel cho'q reheb' li ralal xk'ajoleb' laj Jakob li te'xyot' xch'ool ut te'xjal xk'a'uxl. Li Qaawa' xyehok re a'in.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Salmos 132:13

Xb'aan naq li Qaawa' kixsik' ru li tzuul Sión ut kixxaqab' cho'q xloq'laj muheb'aal:

Salmos 87:2

ut q'axal naxra li tenamit Sión chiru chixjunileb' li xmuheb'aal laj Jakob.

Salmos 51:18

Xb'aan naq ink'a' naxk'ul aawu li mayejak; ut wi tinyeechi'i aawe junaq k'atb'il mayej, ink'a' ajwi' taasaho'q laawaanm rik'in.

Salmos 48:12

Sa' li tzuul Sión chiwanq sahil ch'oolejil, che'pisk'oq li tenamit re Judá xb'aan xsahilaleb' xch'ool: k'ajo' naq nakatraqok aatin sa' tiikilal!

Salmos 9:11

Aawik'in taxaq kawaqeb' xch'ool chixjunil li neke'nawok laak'ab'a', xb'aan naq ink'a' nakakanab'eb' xjunes li neke'sik'ok aawe, at Qaawa'.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

2 Crónicas 24:16

Kimuqe'k sa' xtenamit laj David, sa' xyanqeb' li awab'ej, xb'aan naq kixb'aanu li us cho'q re li tenamit Israel, cho'q re li Qaawa' ut cho'q re li rochoch li Yos.

2 Crónicas 5:2

Toja' naq laj Salomón kixch'utub' aran Jerusalén chixjunileb' li xcheekelaleb' laj Israel, chixjunileb' li xjolomileb' li junq teep ut eb' li xjolomileb' li xjunqkab'aleb' aj Israel, re xk'amb'al chaq li xLoq'laj Kaaxil li xSumwank li Qaawa' chalen chaq Sión, li xTenamit laj David.

1 Crónicas 11:7

Moqon laj David kixk'ojob' xna'aj sa' li kawub'resinb'il kab'l, ut xTenamit laj David kixk'e cho'q xk'ab'a'.

1 Reyes 8:1

Toja' naq laj Salomón kixch'utub' aran Jerusalén li xcheekelaleb' laj Israel, chixjunileb' li xjolomileb' li junq teep ut eb' li xjolomileb' li xjunqkab'aleb' laj Israel, re xk'amb'al chaq li xLoq'laj Kaaxil li xSumwank li Qaawa' chalen chaq Sión, li xTenamit laj David, toj sa' rochoch li Yos.

1 Reyes 3:1

Laj Salomón kik'amok rik'in laj Parahón, awab'ej re Ejiipt. Kisumlaak rik'in li xrab'in laj Parahón ut kixk'am sa' xtenamit laj David, naq toj yookeb' chi xchoyb'al xyiib'ankil li rochoch, jo'wi' li rochoch li Qaawa' ut li suttz'ak chi xsutam Jerusalén.

2 Samuel 6:10

Ut ink'a' kiraj xk'amb'al li Loq'laj Kaax sa' rochoch, sa' xTenamit laj David, kixtaqla b'an xk'amb'al sa' rochoch laj Obededón aj Gat.

2 Samuel 5:9

Laj David kixk'ojob' xna'aj sa' li kawub'resinb'il kab'l, ut xTenamit laj David kixk'e cho'q xk'ab'a'. Kixwaklesi jun li suttz'ak chi xsutam, chalen chaq Miló toj chisa'.

2 Samuel 5:8

Sa' li kutan a'an kixye laj David: “Li ani taa'ajoq xq'axb'al ruheb' laj Jebús, tento taa'ok chaq wan wi' li roqha' rub'el ch'och' ut tixkamsiheb' li mutz' ut li yeq roqeb' li jwal nintz'eqtaanaheb'”. Jo'kan naq nayeemank: “Chi moko li yeq chi moko li mutz' taa'ok sa' rochoch li Qaawa'”.

1 Reyes 9:24

Naq li xrab'in laj Parahón ki'elk sa' xtenamit laj David re q'axonk sa' li kab'l kixyiib' laj Salomón cho'q re, laj Salomón kixk'e chi yiib'aak Miló.

Jeremías 21:13

Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.

Nehemías 3:15

Li Rokeb'aal li Yu'amha' kiyiib'aak xb'aan laj Salún, ralal laj Koljosé, xjolomil li teep Mispá: kixxaqab' sa' xna'aj ut kixk'e xtz'amb'ahil, li xtz'apb'al ut li xnat'b'al rix. Kixyiib' ajwi' xtz'akul li Ha' re Siloé, li wank chi xk'atq li rawimq li awab'ej, toj wan wi' li xtaqleb'aal li xTenamit laj David.

Salmos 48:3

k'ajo' xchaq'alil ru; aran nasaho'k xch'ool chixjunil li ruuchich'och'! Li tzuul Sión a'an li xmuheb'aal li Qaawa', a'an li tenamit nawank wi' li xnimal ru Awab'ej.