2 Samuel 5:2 - Q'eqchi Bible

² Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

Li Santil hu

² Chalen nak toj cua̱nk laj Saúl chokꞌ karey, la̱at catcꞌamoc be chiruheb li soldados aj Israel saꞌ eb li ple̱t. Ut li Ka̱cuaꞌ quixye nak la̱at tat-ilok reheb lix tenamit ut la̱atak lix reyeb, chanqueb.

2 Samuel 5:2 ပူးပေါင်းရင်းမြစ်များ

San Mateo 2:6

«Ut laa'at Belén, xch'och'el laj Judá, moko jwal kach'inat ta sa' xyanqeb' li xninqal xteepaleb' laj Judá, xb'aan naq aawik'in taa'elq jun aj k'amol b'e li taab'eresinq re lintenamit Israel».

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

2 Samuel 7:7

Chiru chixjunileb' li kutan xe'wochb'eeni wi' chaq eb' laj Israel yalaq b'ar, maajun sut xinye reheb' laj k'amol b'e li xeb'inxaqab' chi xb'eresinkil lintenamit Israel, naq te'xyiib' junaq ochoch rik'in yaw».

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

1 Samuel 25:30

Naq akaq xb'aanu li Yos chixjunil li kixyeechi'i aawe ut naq akaq xatxxaqab' cho'q aj k'amol xb'eheb' laj Israel,

Isaías 55:4

Laa'in kinxaqab'ank re laj David cho'q wuuchil chiruheb' li tenamit, cho'q aj k'amol b'e ut aj jolominel reheb' li poyanam.

1 Samuel 18:13

Jo'kan naq kirisi laj David sa' li rochoch ut kixtaqla xjolominkil jun mileb' chi aj puub': na'elk chi yalok ut nasutq'iik chaq k'amol b'e chiruheb' li winq.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

1 Samuel 18:16

Ab'anan chixjunileb' laj Israel ut laj Judá k'ajo' naq neke'xra laj David, xb'aan naq na'elk chi yalok ut nasutq'iik chaq k'amol b'e chiruheb'.

1 Samuel 18:5

Laj David naq'axok chaq u sa' chixjunil li yalok nataqlaak wi' xb'aan laj Saúl; jo'kan naq kixaqab'aak chi xjolominkileb' laj puub'. Ut a'in q'axal kiwulak chiru chixjunileb' li tenamit jo'wi' chiruheb' laj k'anjel chiru laj Saúl.

Números 27:17

ut tixb'eresiheb' yalaq b'ar, re naq ink'a' taakanaaq li xkomonil li Qaawa' jo'keb' li karneer maak'a' aj ilol reheb'”, chan laj Moisés.

1 Samuel 25:28

Chakuy taxaq inmaak. Relik chi yaal naq li Qaawa' tixxaqab' chi junajwa xwankil laajunkab'al, xb'aan naq laa'at nakatyalok sa' xk'ab'a' li Qaawa', ut maajun wa taachalq li ink'a' us sa' aab'een chiru chixjunil laayu'am.

1 Samuel 13:14

A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

Génesis 49:24

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

1 Crónicas 11:2

Chalen chaq junxil naq laj Saúl a'an chaq li na'awab'ejink qe, laa'at tz'aqal xjolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

2 Crónicas 1:10

Jo'kan utan, chak'e taxaq innawom ut inchoxahil na'leb' re xb'eresinkil li tenamit a'in. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

2 Samuel 6:21

Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

2 Samuel 7:8

“Jo'kan utan taaye re laj David laj k'anjel chiwu: «Jo'ka'in xye li Nimajwal Yos: Laa'in xin'isink chaq aawe sa' li xna'ajeb' laakarneer re naq laa'ataq xjolomil lintenamit Israel.