2 Samuel 5:19 - Q'eqchi Bible

¹⁹ Jo'kan naq laj David kipatz'ok re li Qaawa' ut kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.

Li Santil hu

¹⁹ Laj David quitijoc ut quixye re li Dios: —¿Ma tinxic chi pletic riqꞌuineb laj filisteo? ¿Ma tina̱tenkꞌa chi numta̱c saꞌ xbe̱neb? chan. Ut li Ka̱cuaꞌ quixye re: —Ayu chi pletic riqꞌuineb. La̱in tinkꞌaxtesiheb saꞌ a̱cuukꞌ, chan.

2 Samuel 5:19 ပူးပေါင်းရင်းမြစ်များ

2 Samuel 2:1

Moqon chik laj David kipatz'ok re li Qaawa' ut kixye: “Ma us tinxik sa' junaq tenamit re Judá?”, chan. Li Qaawa' kixsume: “Ayu”, chan. Toja' naq laj David kixpatz' wi' chik re: “B'ar tento tinxik?”, chan. “Aran Hebrón”, chu'uxk re.

Proverbios 3:6

Sa' chixjunil li k'aru taab'aanu wanq sa' aach'ool li Qaawa' Yos, ut A'an tixtiikob'resi laab'e.

1 Samuel 23:2

Toja' naq laj David kipatz'ok re li Qaawa': “Ma tinxik chi yalok rik'ineb' laj Filistea a'an?”, chan. Kisumeek xb'aan li Qaawa': “Ayu chi yalok rik'ineb' laj Filistea ut taakol li tenamit Kehilá”.

Santiago 4:15

Tento raj teeye: “Wi li Qaawa' naraj, yo'yooqo ut tqab'aanu a'in ut a'an”.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

2 Samuel 5:23

Laj David kipatz'ok wi' chik re li Qaawa' ut a'in kixye re: “Matxik chi yalok chiruheb', k'e b'an q'oot chirixeb' ut jilon chi xk'atqeb' wankeb' wi' li che' bálsamo xk'ab'a'eb'.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

1 Samuel 23:4

Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.

1 Samuel 22:15

Ma toj anaqwan tab'i' xintikib' patz'ok chirix chiru li Yos? Ink'a'. At awab'ej, maajit laj k'anjel chawu chi moko eb' li wech'alal, xb'aan naq laj k'anjel chawu tik maak'a' naxnaw chirix li na'leb' a'in”.