2 Samuel 3:39 - Q'eqchi Bible

³⁹ Jo'kan naq, us ta laa'in li awab'ej sik'b'il ru xb'aan li Yos, ab'anan naweek'a naq maak'a' inmetz'ew: q'axal kaweb' rib' chiwu eb' li xyum lix Sarbia. Li Qaawa' chik'ehoq reeqaj re li ani xb'aanunk re li maa'usilal a'in!”, chan.

Li Santil hu

³⁹ Usta la̱in li rey li sicꞌbil cuu xban li Dios, abanan nacuecꞌa nak ma̱cꞌaꞌ incuanquil. Eb li cui̱nk aꞌin, lix yum lix Sarvia, kꞌaxal cauheb rib chicuu la̱in. Li Ka̱cuaꞌ chiqꞌuehok reheb chixtojbal xma̱queb joꞌ xcꞌulubeb xban li ma̱usilal queꞌxba̱nu, chan laj David.

2 Samuel 3:39 ပူးပေါင်းရင်းမြစ်များ

Salmos 101:8

Rajlal eq'la tinsach ruheb' li ink'a' useb' xna'leb', ut twisi sa' li xtenamit li Qaawa' jo'k'ihaleb' li neke'b'aanunk li maa'usilal.

Salmos 28:4

At Qaawa', chak'e reheb' li xk'ulub' li xb'aanuhomeb', a' yaal chanru li maa'usilal xe'xb'aanu; chaq'ajkamuheb' jo' chanru li xb'aanuhomeb', chak'e reheb' li xk'ulub'eb'.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

Romanos 13:4

xb'aan naq aj k'anjeleb' chiru li Yos re aatenq'ankil chi xb'aanunkil li us. Ab'an wi nakab'aanu li ink'a' us, chatxiwaq xb'aan naq moko maak'a' ta rajb'al naq wankeb' xjutz' ch'iich': aj k'anjeleb' chiru li Yos, aj q'ajkamuneleb' re xrahob'tesinkil li nab'aanunk re li ink'a' us.

Proverbios 25:5

Chawisiiq li ink'a' us xna'leb' chi k'anjelak chiru li awab'ej, ut taak'ojlaaq li x'awab'ejihom chi junajwa sa' tiikilal.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Isaías 7:4

ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.

Proverbios 20:8

Naq li awab'ej nak'ojlaak sa' li raqleb'aal aatin, sa' junpaat naxtaw ani wank xmaak.

Salmos 75:10

Ut laa'in junelik tinpuktesi resil li xloq'al; tinb'ichanq, tinwajb'aq cho'q re li xYos laj Jakob

Salmos 7:16

Kixte jun jul ut cham kixb'ek; ab'an a'an ajwi' kit'ane'k sa' li jul li kixyiib'.

1 Crónicas 22:5

Xb'aan naq laj David kixk'oxla: “Laj Salomón li walal a'an toj saaj ut kach'in ajwi' li xna'leb', ut li ochoch li taayiib'amanq cho'q re li Qaawa' tento naq jwal nimaq ut chaq'alaq ru, re naq chiwanq xloq'al sa' chixjunil li ruuchich'och'. Jo'kan naq twaj tinkanab' chixjunil chi ak yiib'anb'il chi us”, chan sa' xch'ool. Ut relik chi yaal naq laj David kixb'aanu xninqal k'anjel naq toj yo'yo.

2 Samuel 19:13

Yehomaq ajwi' re laj Amasá sa' ink'ab'a': «Ma maawa' tab'i' laa'at wechkik'el ut wech'alal? A' taxaq li Yos tinxk'e chi xtojb'al linmaak chi q'axal ra, wi ink'a' tatinxaqab' chi junajwa cho'q xjolomileb' laj puub', cho'q reeqaj laj Johab», cha'qex sa' ink'ab'a'”.

Éxodo 21:12

“Li tixsak' ras riitz'in ut a'in taakamq, tento naq taakamsiiq;

2 Samuel 3:38

Chirix chik a'an li awab'ej kixye reheb' laj k'anjel chiru: “Ma ink'a' nekenaw naq sa' li kutan a'in xkamk jun li tz'aqal aj k'amol b'e, jun xnimal ru aj jolominel sa' xyanqeb' laj Israel?

2 Samuel 16:10

Kichaq'ok li awab'ej: “A Abisay, k'aru wank we eerik'in laa'ex li yum lix Sarbia? Kanab' laj Semehí chinmajewankil. Wi li Qaawa' xyehok re: «Majewa laj David», ani truuq taayehoq re: «K'a'ut naq yookat chi xb'aanunkil chi jo'kan?»”.

2 Samuel 19:22

Ab'an laj David kixye: “Li k'aru nink'oxla laa'in, maawa' li nekek'oxla laa'ex, ex xyum lix Sarbia. K'a'ut naq sa' li kutan a'in nekeq'etq'eti eerib' chiru link'a'uxl? Maajun reheb' laj Israel tento taakamsiiq sa' li kutan a'in naq nink'e reetal naq eb' laj Israel xine'xxaqab' wi' chik cho'q x'awab'ejeb'”.

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

1 Crónicas 29:1

Moqon chik li awab'ej David kixye reheb' chixjunil li wankeb' sa' li nimla ch'utam: “Laj Salomón li walal, ka'ajwi' a'an sik'b'il ru xb'aan li Yos sa' xyanqeb' chixjunileb'. A'an toj saaj ut kach'in ajwi' li xna'leb', ut li ochoch li taayiib'amanq, a'an jwal nim, xb'aan naq maawa' na'ajej cho'q re junaq winq, rehaq b'an li Qaawa' Yos.

2 Crónicas 13:7

Ut rik'in laj Jerobohán ke'xch'utub' rib' naab'aleb' li ink'a' useb' xna'leb' ut aj q'emeb', li ke'numtaak sa' xb'een laj Robohán, ralal laj Salomón, xb'aan naq toj saaj ut q'un xch'ool chi taqlank; jo'kan naq ink'a' kiruuk chi xkolb'al rib' chiruheb'.

Jeremías 38:5

Kichaq'ok laj Sedesías, li awab'ej, ut kixye: “B'aanuhomaq re li k'aru teeraj xb'aanunkil. Laa'in maak'a' naru ninb'aanu re xramb'al cheru”.

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.

Números 32:23

Ab'anan wi ink'a' teeb'aanu chi jo'kan, chenawaq naq xexmaakob'k chiru li Qaawa' ut li maak a'an nakanaak sa' eeb'een chi junajwa.

Jueces 9:57

Ut li Yos kixk'eheb' ajwi' chi xtojb'al rix li xmaakeb' chixjunileb' laj Sikem. Chi jo'kan kitz'aqlok ru rik'ineb' li xmajewahom laj Jotán, ralal laj Yerubahal.

1 Reyes 2:9

Maakanab' chi ink'a' ta tixtoj rix li xmaak. Laa'at wank aana'leb' ut nakanaw chi us k'aru taab'aanu, re naq ra tixk'ul sa' xkamik”.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.