2 Samuel 3:3 - Q'eqchi Bible

³ li xkab', a'an laj Kilab', xyum lix Abigahil li kiwank cho'q rixaqil laj Nabal aj Karmeel; li rox, a'an laj Absalón, xyum lix Mahaká, xrab'in laj Talmay, awab'ej re Jesur;

Li Santil hu

³ Li xcab, aꞌan laj Quileab. Lix naꞌ, aꞌan lix Abigail li quicuan chokꞌ rixakil laj Nabal aran Carmel. Li rox, aꞌan laj Absalón. Lix naꞌ, aꞌan lix Maaca lix rabin laj Talmai li quicuan chokꞌ rey aran Gesur.

2 Samuel 3:3 ပူးပေါင်းရင်းမြစ်များ

1 Samuel 27:8

ut rochb'eeneb' laj puub' naxikje'k chi yalok rik'ineb' laj Jesur, eb' laj Késer ut rik'ineb' laj Amalek (a'ineb' li wankeb' sa' li na'ajej a'an, chalen chaq Telán toj Sur ut sa' xnub'ajlil Ejiipt).

1 Crónicas 3:1

A'aneb' a'in li ralal xk'ajol laj David yo'lajenaqeb' chaq aran Hebrón: li xb'een ralal a'an laj Amnón, xyum lix Ajinohán aj Jisrehel; li xkab', a'an laj Daniel, xyum lix Abigahil, Karmeel xtenamit;

2 Samuel 2:2

Ut laj David koho aran rochb'een xkab'ichaleb' li rixaqil, a' lix Ajinohán aj Jisrehel ut lix Abigahil, li kiwank cho'q rixaqil laj Nabal aj Karmeel.

1 Samuel 25:42

Tikto kixaqliik, kitaqe'k chirix li xb'uur ut, rochb'een oob' chi xmoos ixq, koho chirixeb' li xtaql laj David, ut kikanaak cho'q rixaqil.

1 Samuel 25:3

Li winq a'an aj Nabal xk'ab'a', ut li rixaqil x'Abigahil xk'ab'a'. Li ixq wank xna'leb' ut xchaq'al ru na'ilok, ab'an li xb'eelom josq' ut ink'a' us xna'leb', xkomoneb' laj Kaleb.

Josué 13:13

Ab'anan eb' laj Israel ink'a' ke'risiheb' laj Jesur chi moko eb' laj Mahaká; jo'kan naq eb' laj Jesur ut laj Mahaká toj wankeb' anaqwan sa' xyanqeb' laj Israel.

Deuteronomio 3:14

Laj Yaír, ralal laj Manasés, a'an li kikanaak wi' chixjunil li na'ajej re Argob, toj sa' xnub'ajleb' laj Jesur ut eb' laj Mahaká; a'an li kik'ehok re Basán li k'ab'a'ej li nayeemank toj sa' li kutan a'in: Xk'aleb'aaleb' laj Yaír.)

2 Samuel 18:33

K'ajo' naq kiraho'k xch'ool li awab'ej. Koho xjunes sa' li na'ajej wank sa' xb'een li rokeb'aal li tenamit ut ki'ok chi yaab'ak: “At Absalón, at walal! Absalón, at walal, at walal! -chan naq yo chi xik-. Us raj naq laa'in xinkamk ut laa'at toj yo'yooqat, Absalón, at walal, at walal”.

2 Samuel 14:24

Ab'anan li awab'ej kixye: “Xikaq sa' rochoch; ink'a' nawaj rilb'al ru”. Ut laj Absalón koho sa' rochoch chi ink'a' kixk'ut rib' chiru li awab'ej.

2 Samuel 13:1

Laj Absalón, ralal laj David, kiwank jun ranab', xTamar xk'ab'a', k'ajo' xch'ina'usal. Laj Amnón, a'an jun chik ralal laj David, ut xkoho xch'ool chirix lix Tamar.

2 Samuel 14:32

Laj Absalón kixsume laj Johab: “Xintaqla aab'oqb'al re xyeeb'al aawe: B'aanu usilal, kim; twaj aataqlankil rik'in li awab'ej re naq taaye naq maak'a' aj e naq xinsutq'iik chaq Jesur. Q'axal us raj cho'q we wi ta xinkanaak aran Jesur. Anaqwan twaj rilb'al ru li awab'ej, ut wi wank junaq inmaak, chixteneb'aaq kamk sa' inb'een”.

2 Samuel 15:7

Kaahib' chihab'aq chik a'an, laj Absalón kixye re li awab'ej: “Chakuy inmaak, kanab'in chi xik Hebrón re naq tinpaab' chaq li b'arwan inyeechi'om re li Qaawa'.

2 Samuel 15:8

Naq toj wankin chaq Jesur re Aram, kinyeechi'i re li Qaawa': «Wi li Qaawa' tixk'e we sutq'iik Jerusalén, tinloq'oni ru li Qaawa' aran Hebrón»”.

1 Reyes 1:6

Li xyuwa' maajun wa kixch'i'ch'i'i rik'in xyeeb'al re: “K'a'ut naq jo'kan nakab'aanu?”. Laj Adonías ch'ina'us rilb'al ut toj iitz'inb'ej chiru laj Absalón.

1 Reyes 2:15

Laj Adonías kixsume: “Laa'at nakanaw naq laa'in raj xin'ok chi awab'ejink ut chixjunileb' laj Israel yookeb' chaq chi royb'eninkil naq laa'in xinkanaak cho'q awab'ej. Ab'anan li awab'ejihom xmaq'mank chiwu ut xk'eemank re li wiitz'in, xb'aan naq jo'kan xraj li Qaawa'.

1 Crónicas 3:2

li rox, a'an laj Absalón, xyum lix Mahaká, xrab'in laj Talmay, awab'ej re Jesur; li xka, a'an laj Adonías, xyum lix Jakit;

2 Samuel 14:23

Toja' naq laj Johab kixaqliik, koho Jesur ut kixk'am chaq laj Absalón sa' li tenamit Jerusalén.