2 Samuel 3:27 - Q'eqchi Bible

²⁷ Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

Li Santil hu

²⁷ Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

2 Samuel 3:27 ပူးပေါင်းရင်းမြစ်များ

1 Reyes 2:5

“Ch'olch'o chawu k'aru kixb'aanu we laj Johab, ralal laj Sarbia, naq kixkamsiheb' wiib' xjolomileb' laj puub' re Israel, a' laj Abner, ralal laj Ner, ut laj Amasá, ralal laj Jéter: sa' xq'ehil li wank sa' tuqtuukilal kireeqaju li kamsink kiwank sa' li nimla yalok, ut sa' inb'een kixteneb' li maak a'an.

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

Jeremías 41:2

laj Ismael, ralal laj Natanías, rochb'eeneb' li lajeeb', ke'wakliik ut ke'xkamsi laj Kedalías, ralal laj Ajikán ut ri laj Safán, li kixaqab'aak chi xjolominkileb' laj Judá xb'aan li awab'ej re Babilonia.

Deuteronomio 27:24

«Tz'eqtaananb'ilaq li ani tixkamsi li ras riitz'in sa' muqmu». Ut chixjunil li tenamit te'xye: «Jo'kan».

Números 35:20

“Wi junaq xik' naril li ras riitz'in ut tixkamsi, malaj tixkut k'a'aq re ru chirix xb'aan xlab'al xch'ool, ut a'an taakamq,

2 Samuel 3:26

Ka'ajwi' ki'elk laj Johab rik'in laj David naq kixtaqlaheb' aj esil chi xsik'b'al laj Abner, chi ink'a' naxnaw li awab'ej. Ke'xtaw wan wi' li kumb'-ha' re Sirá ut ke'xk'am chaq.

2 Samuel 3:28

Tikto laj David kixnaw a'an ut kixye: “Li Qaawa' naxnaw naq laa'in ut li wankeb' rub'el linwankil maak'a' qamaak chi junajwa chirix xkamik laj Abner, ralal laj Ner.

2 Samuel 4:1

Naq laj Isbahal, ralal laj Saúl, kirab'i resil li xkamik laj Abner aran Hebrón, k'ajo' naq kisachk xch'ool, ut chixjunileb' laj Israel ke'ok xxiw.

2 Samuel 13:26

ut chirix chik a'an kixye laj Absalón: “B'aanu usilal, xikaq chiqix laj Amnón li was”. Kichaq'ok li awab'ej: “K'a' aj e naq taaxik chawix?”, chan.

2 Samuel 19:13

Yehomaq ajwi' re laj Amasá sa' ink'ab'a': «Ma maawa' tab'i' laa'at wechkik'el ut wech'alal? A' taxaq li Yos tinxk'e chi xtojb'al linmaak chi q'axal ra, wi ink'a' tatinxaqab' chi junajwa cho'q xjolomileb' laj puub', cho'q reeqaj laj Johab», cha'qex sa' ink'ab'a'”.

Números 35:19

A' ajwi' laj eeqajunel kik' taakamsinq re li xkamsink, naq toxtaw.

1 Crónicas 27:21

Sa' li xyiijachil xteepal laj Manasés li wank aran Galahad, a'an laj Idó, ralal laj Sakarías. Sa' xteepal laj Benjamín, a'an laj Jahasiel, ralal laj Abner.

Proverbios 26:26

Us ta tixmuq li xlab'alil xch'ool, ab'an li xmaa'usilal taak'utunq chiruheb' chixjunileb' li poyanam.