2 Samuel 24:22 - Q'eqchi Bible

²² Kixye laj Arawná: “At awab'ej, aj eechal we, chap ut yeechi'i li k'aru taawaj. Arin wankeb' linb'ooyx re li mayejak; ut li b'eleb'aal ch'iich' jo'wi' li b'itche' taak'anjelaq cho'q aasi'.

Li Santil hu

²² Laj Arauna quixye re: —At rey, ba̱nu joꞌ nacacꞌoxla nak us xba̱nunquil. Qꞌue la̱ mayej chiru li Ka̱cuaꞌ la̱ Dios. Naru ta̱camsi li cuib chi bo̱yx aꞌin chokꞌ re la̱ cꞌatbil mayej. Ut li cheꞌ li naqꞌueman saꞌ xcuxeb ta̱cꞌanjelak re la̱ siꞌ joꞌ ajcuiꞌ lix cheꞌel li naꞌajej aꞌin, chan.

2 Samuel 24:22 ပူးပေါင်းရင်းမြစ်များ

1 Reyes 19:21

Laj Eliseo kixsutq'isi rib', kixchapeb' jun sumal li xb'ooyx ut kixk'e cho'q xk'atb'il mayej. Li b'itche' kik'anjelak re xpomb'al li tib' li kixsi reheb' li tenamit re te'xtzeka. Chirix chik a'an koho chirix laj Elías ut ki'ok chi k'anjelak chiru.

1 Samuel 6:14

Naq kiwulak sa' xk'aleb'aal laj Josué aj Bet-Semes, kixaqliik li kareet. Aran wank jun nimla pek. Toja' naq eb' laj Leví ke'xkub'si li xLoq'laj Kaax li Qaawa' jo'wi' li kaax li wank chi xk'atq, a' li wan wi' li k'a' re ru yiib'anb'il rik'in oor, ut ke'xk'e sa' xb'een li nimla pek. Chirix chik a'an ke'xtoqi li xche'el li kareet, ke'xloch jun li xam ut ke'xyeechi'i eb' li wakax cho'q k'atb'il mayej chiru li Qaawa'. Sa' li kutan a'an eb' laj Bet-Semes ke'xq'axtesi naab'al li k'atb'il mayej ut xyeechi'omeb' chiru li Qaawa'.

1 Crónicas 21:22

Kixye laj David re laj Ornán: “K'e we laach'oxleb'aal re xxaqab'ankil aran jun x'artal li Qaawa'. K'ayi cho'q we chi tz'aqalaq xtz'aq, re naq taa'elq li rahilal sa' li tenamit”.

Génesis 23:11

“Wa', chinaawab'ihaq. Tink'e aawe li ch'och' jo' ajwi' li muqleb'aal li wank chisa'. Tink'e aawe chiruheb' chixjunil li wech tenamitul. Muq chaq laakamenaq aran”, chan.

Jueces 6:26

Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.