2 Samuel 24:17 - Q'eqchi Bible

¹⁷ Naq laj David kiril li ánjel yo chi xrahob'tesinkil li tenamit, kixye re li Qaawa': “Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', naq taataqla chaq li rahilal sa' inb'een ut sa' xb'een linjunkab'al”.

Li Santil hu

¹⁷ Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

2 Samuel 24:17 ပူးပေါင်းရင်းမြစ်များ

Salmos 74:1

Xb'ich laj Asaf. At Qaawa', k'a'ut naq xoohaatz'eqtaana chi junajwa? K'a'ut naq yo laajosq'il sa' qab'een laa'o li karneer k'aak'alenb'ilo aab'aan?

2 Samuel 24:10

Naq ak ke'ajlaak chixjunileb' li tenamit, kiyot'e'k xch'ool laj David ut kixye re li Qaawa': “Nimla maak xinb'aanu laa'in aj k'anjel chawu. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”, chan.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 44:11

Xoohaak'e chi elelik chiru laj xik'il uuchinel, ut eb' li xik' neke'ilok qe xe'xmaq' chiqu li k'aru wank qe.

Li xHu LAJ JOB 7:20

Wi xinmaakob'k, k'aru xinb'aanu aawe laa'at, at aj k'aak'alenel reheb' li poyanam? K'a'ut naq nakak'ajtesi wu rik'in li ral laasimaj? Ma yookin tab'i' chach'i'ch'i'inkil?

1 Reyes 22:17

Toja' naq laj Mikeas kixye: “Nake'wil chixjunileb' laj Israel neke'cha'chotk chiruheb' li tzuultaq'a, chanchaneb' li ketomq maak'a' aj ilol reheb'. Ut li Qaawa' xye: «Maak'a' aj eechaleb' re; li junjunq chisutq'iiq sa' rochoch sa' tuqtuukilal»”.

Génesis 44:33

Jo'kan b'i', kanaaqin laa'in chi k'anjelak chawu cho'q reeqaj li wiitz'in ut xikaq li al chirixeb' li ras.

Génesis 18:23

Kinach'ok laj Abrahán rik'in ut kixye re: “Ma taasach laa'at li tiikeb' xch'ool rochb'eeneb' laj maak?

2 Samuel 7:8

“Jo'kan utan taaye re laj David laj k'anjel chiwu: «Jo'ka'in xye li Nimajwal Yos: Laa'in xin'isink chaq aawe sa' li xna'ajeb' laakarneer re naq laa'ataq xjolomil lintenamit Israel.

Jonás 1:12

“Kutumaqin sa' li palaw ut taach'anaaq ru li ha'. Ch'olch'o chiwu naq laa'in wank inmaak naq xchalk li rahilal a'in sa' eeb'een”, chan laj Jonás naq kichaq'ok.

Éxodo 10:16

Toja' naq laj Parahón kixb'oqeb' chi junpaat laj Moisés ut laj Aharón ut kixye reheb': “Xinmaakob'k chiru li Qaawa' leeYos ut cheru laa'ex.

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

Salmos 78:71

re naq tixkanab' li k'anjel a'an ut a' chik li xtenamit tixb'eresiheb', a'eb' laj Israel, li reechanihom.