2 Samuel 24:16 - Q'eqchi Bible

¹⁶ Ut naq li ánjel kixye' li ruq' sa' xb'een Jerusalén re xsachb'al, kiyot'e'k xch'ool li Qaawa' chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Arawná aj Jebús.

Li Santil hu

¹⁶ Oc raj re chixsachbal ru li tenamit Jerusalén lix ángel li Dios, abanan quiyotꞌeꞌ xchꞌo̱l li Dios chirilbal li raylal yo̱queb chixcꞌulbal. Ut li Dios quixye re li ángel li yo̱ chi camsi̱nc reheb: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Arauna laj jebuseo.

2 Samuel 24:16 ပူးပေါင်းရင်းမြစ်များ

Éxodo 12:23

Li Qaawa' Yos taanume'q ut tixtiq'eb' laj Ejiipt, ab'anan naq taaril li kik' sa' li wiib' roqechal ut sa' li xb'een li okeb'aal, tiik taanume'q li Qaawa' chire li kab'l a'an ut ink'a' tixkanab' laj Sachonel chi ok sa' leerochoch.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

Hechos 12:23

Ab'anan chi junpaat li x'ánjel li Qaawa' kixrahob'tesi laj Herodes, xb'aan naq kixmaq' cho'q re li xloq'al li Yos. Ut kikamk li awab'ej, chi lowb'il xb'aaneb' motzo'.

2 Crónicas 3:1

Laj Salomón kixtikib' xkab'lankil li rochoch li Qaawa' aran Jerusalén, sa' li tzuul Moria xk'ab'a', b'arwi' kixk'ut rib' li Qaawa' chiru laj David li xyuwa', sa' li na'ajej kixk'uub' laj David, sa' xch'oxleb'aal laj Ornán, Jebús xtenamit.

2 Reyes 19:35

Ut chiru ajwi' li q'oqyink a'an li x'ánjel li Qaawa' kiwulak sa' xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

2 Crónicas 32:21

Ut li Qaawa' kixtaqla chaq jun x'ánjel li kixsach ruheb' chixjunileb' laj puub' jwal kaweb' rib' chi yalok, eb' li xninqaleb' ru winq ut eb' li xjolomileb' laj puub' re li awab'ej re Asiria, ut a'in kisutq'iik sa' xtenamit chi k'ajo' xxutaan ut naq kox'okaq sa' rochoch li xyos, aran ajwi' kikamsiik chi ch'iich' xb'aaneb' li ralal.

2 Corintios 2:6

Tz'aqal li rahob'tesiik xk'ul li winq a'an xb'aaneb' li xkomon;

San Marcos 14:41

Kichalk wi' chik rox sut ut kixye reheb': —Warinqex ut hilanqex wan. Ak xtz'aqlok ru, xwulak xhonal: anaqwan li K'ajolb'ej taaq'axtesiiq sa' ruq'eb' laj maak.

Zacarías 9:7

twisi sa' reheb' li tib' toj wank xkik'el, ut tinmaq' chiruheb' li tz'i'b'eetalil tzekemq. Sa' xyanqeb' a'an te'kanaaq ajwi' jun rela' cho'q re li qaNimajwal Yos, chanchanaq xkomoneb' laj Judá; ut eb' laj Akrón wanqeb' jo'eb' laj Jebús.

Habacuc 3:2

At Qaawa', xwab'i laawesil nayeemank, ut xwil xnimal laak'anjel xlajaab'aanu: k'ajo' naq ninloq'oni aawu! At Qaawa', b'aanu wi' chik sa' qayanq, k'e chi nawe'k laab'aanuhom anaqwan. Us ta yo aajosq'il sa' qab'een, jultikaq aawe laanimal aawuxtaan.

Amós 7:6

Toja' naq li Qaawa' kixjal xk'a'uxl ut kixye: “Chi moko a'in taak'ulmanq”, chan.

Amós 7:3

Toja' naq li Qaawa' kixjal xk'a'uxl ut kixye: “Ink'a' taak'ulmanq a'an”, chan.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Isaías 27:8

Kixrahob'tesi li xtenamit naq kirisi sa' li xna'ajeb' ut kixtaqlaheb' sa' jalanil tenamit; kiraanilasiheb' chi najt xb'aan li xxiwajel josq'il, jo' naq na'apunk li kawil iq' nachalk sa' xjayal releb'l saq'e.

Salmos 135:14

Xb'aan naq li Qaawa' naxjolomi li xtenamit sa' tiikilal ut naruxtaana ru chixjunileb' laj k'anjel chiru.

Salmos 90:13

Kim, at Qaawa'! Jo' najtil chik yooq laajosq'il? Chawil taxaq xtoq'ob'aaleb' ru laj k'anjel chawu.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

Salmos 35:6

Q'oqyinaq taxaq ru li xb'eheb' ut yolyolaq ru, naq yooq raanilasinkileb' xb'aan li x'ánjel li Qaawa'.

1 Reyes 19:4

Chirix chik a'an jun kutan kib'eek xjunes sa' li chaqich'och', toj reetal kiwulak ut kihilank rub'el jun toon chi che'. Aran q'axal kixrahi li kamk ut kixye: “Tz'aqalaq li rahilal a'in, at Qaawa'! Us raj wi tinaak'e chi kamk xb'aan naq moko jwal chaab'ilin ta chiruheb' linxe'toonil yuwa'!”, chan.

2 Samuel 24:18

Sa' ajwi' li kutan a'an koho laj Gad rik'in laj David ut kixye re: “Ayu chi xxaqab'ankil jun x'artal li Qaawa' sa' li xch'oxleb'aal laj Arawná aj Jebús”.

2 Samuel 5:8

Sa' li kutan a'an kixye laj David: “Li ani taa'ajoq xq'axb'al ruheb' laj Jebús, tento taa'ok chaq wan wi' li roqha' rub'el ch'och' ut tixkamsiheb' li mutz' ut li yeq roqeb' li jwal nintz'eqtaanaheb'”. Jo'kan naq nayeemank: “Chi moko li yeq chi moko li mutz' taa'ok sa' rochoch li Qaawa'”.

Jueces 19:11

Ak x'ewuuk chi us naq ke'wulak nach' rik'in Jebús. Jo'kan naq li moosej kixye re laj eechal re: “Us raj naq tqakanab' b'eek ut too'ok sa' xtenamiteb' laj Jebús re xnumsinkil li q'oqyink aran”.

Jueces 1:21

Ab'anan eb' laj Benjamín ink'a' ke'ruuk risinkileb' laj Jebús li wankeb' chaq Jerusalén. Jo'kan naq chalen toj anaqwan eb' laj Jebús wankeb' Jerusalén rochb'eeneb' li ralal xk'ajol laj Benjamín.

Josué 15:63

Ab'anan eb' li ralal xk'ajol laj Judá ink'a' ke'ruhank chi risinkileb' laj Jebús li wankeb' Jerusalén. Jo'kan naq eb' laj Jebús toj wankeb' ajwi' Jerusalén anaqwan, rochb'eeneb' li ralal xk'ajol laj Judá.

Éxodo 12:13

“Li kik' a'anaq eereetalil chiwu laa'in sa' li kab'l texhilanq wi'. Naq laa'in tintiq' li tenamit Ejiipt, maajun sa' eeyanq taakamq, xb'aan naq twil li kik' ut tiik tinnume'q cheru.

Éxodo 9:28

Chetz'aama chiru li Qaawa' naq chich'anaaq li kaaq ut li saqb'ach; ut laa'in texinkanab' chi xik ut ink'a' chik texwanq arin”, chan.

Génesis 10:16

Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás,

Éxodo 32:14

Li Qaawa' kiruxtaana ruheb' ut ink'a' kixtaqla li rahilal yeeb'il chaq re li xtenamit.

1 Corintios 10:10

Chi moko choowech'oq, jo' wan ke'b'aanunk sa' xyanqeb' a'an, ut ke'sache'k xb'aan laj Sachonel.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

1 Crónicas 1:14

Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás,

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.