2 Samuel 24:13 - Q'eqchi Bible

¹³ Koho laj Gad rik'in laj David ut kixye re: “K'aru taawaj taachalq sa' aab'een: oxib' chihab' chi nimla we'ej sa' laatenamit, malaj ut taawaj naq chiru oxib' po tat-eleliq chiruheb' li xik' neke'ilok aawe, malaj ut oxib' kutan chi raxkamk sa' laatenamit? K'oxla chi us anaqwan ut ye we k'aru tinsume wi' li xtaqlank chaq we”.

Li Santil hu

¹³ Laj Gad co̱ riqꞌuin laj David ut quixye re: —¿Cꞌaꞌru ta̱cuaj tixba̱nu li Ka̱cuaꞌ? ¿Ma ta̱cuaj nak ta̱cua̱nk cuukub chihab li cueꞌej saꞌ la̱ tenamit? ¿Malaj ut ta̱cuaj nak tate̱lelik oxibak po chiruheb li xicꞌ nequeꞌiloc a̱cue? ¿Malaj ut ta̱cuaj nak teꞌca̱mk li tenamit xban li caki yajel chiru oxib cutan? Cꞌoxla chi us cꞌaꞌru ta̱cuaj ut ye cue cꞌaꞌru tinye re li Ka̱cuaꞌ, chan laj Gad.

2 Samuel 24:13 ပူးပေါင်းရင်းမြစ်များ

1 Crónicas 21:12

oxib' chihab' chi nimla we'ej, malaj ut taawaj naq chiru oxib' po tat-eleliq chiruheb' li xik' neke'ilok aawe li te'chalq sa' aab'een rik'in li xch'iich'eb', malaj ut oxib' kutan chi raxkamk sa' laatenamit rub'el xwankil li Qaawa' naq li x'ánjel li Qaawa' tolxkamsiheb' chixjunil li tenamit Israel». K'oxla chi us anaqwan ut ye we k'aru tinsume wi' li xtaqlank chaq we”.

2 Samuel 21:1

Naq laj David kiwank cho'q awab'ej, kiwank we'ej chiru oxib' chihab'. Toja' naq laj David kipatz'ok re li Qaawa' ut a'in kixye re: “A'an xk'ulmank xb'aan naq laj Saúl ut eb' li ralal xk'ajol ke'xkamsiheb' laj Gabahón”, chan.

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

San Lucas 4:25

Relik chi yaal ninye eere: naab'aleb' xmalka'an ke'wank Israel chiruheb' li kutan kiwank wi' laj Elías, naq kitz'apmank li choxa chiru oxib' chihab' rik'in waqib' po ut kichalk jun nimla we'ej sa' chixjunil li ruuchich'och';

Ezequiel 14:13

“At kaamel winq, wi junaq tenamit namaakob'k chiwu ut naxq'et li xpaab'aal, laa'in tinrahob'tesi ut tinkanab' chi maak'a' chik xtzekemq; tintaqla chaq li we'ej sa' xb'een ut tink'eheb' chi kamk eb' li poyanam jo' ajwi' eb' li xul.

Deuteronomio 28:52

“Te'xsut aawix sa' chixjunileb' laatenamit toj reetal te't'ane'q eb' li tz'ak najt xterameb' ut yiib'anb'ileb' chi chaab'il, a' li kaw wi' aach'ool. Te'xsut aawix sa' chixjunileb' laatenamit ut sa' li na'ajej xk'ehom aawe li Qaawa' laaYos.

Deuteronomio 28:35

Li Qaawa' tatxrahob'tesi rik'in xox li naxwa' li tib'elej, sa' xb'een aawaq ut chiru laawa', chalen xtiklaak chaq sa' laawoq toj sa' xsuutut laajolom, ut ink'a' tatk'iraaq.

Deuteronomio 28:27

“Li Qaawa' tatxrahob'tesi rik'in xxoxel Ejiipt, rik'in saqijoj, rik'in tuuxn ut saqlep; ut chiruheb' li yajel a'in ink'a' tatk'iraaq.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Deuteronomio 28:22

Li Qaawa' tatxrahob'tesi rik'in jiq', tiq, sipook, sankil xox, chaqi'eel ut rik'in jun nimla yajel sa' xb'een laatriiw: chixjunileb' li rahilal a'in tate'xtaaqi toj reetal tat-oso'q.

Levítico 26:20

Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Salmos 91:6

ink'a' taaxiwa li raxkamk nachalk sa' li aak'ab', chi moko li tiq li naxb'on rib' tuqtu wa'leb'.

2 Samuel 24:12

“Ayu chi xyeeb'al re laj David: «Jo'ka'in xye li Qaawa': Oxib' chi rahilal nink'e chawu; sik' ru junaq sa' xyanqeb' ut laa'in tinb'aanu», chan li Yos”.

Éxodo 7:25

Chalen naq li Qaawa' kixsak' li nima', ke'nume'k wuqub' kutan chi jo'kan.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

2 Reyes 8:1

Kixye laj Eliseo re li ixq li kiwaklesiik chi yo'yo li xyum: “Ayu aawochb'eeneb' laakomon. Ayu chi wank sa' jalan chik na'ajej, xb'aan naq li Qaawa' xye resil naq taawanq we'ej chiru wuqub' chihab' sa' li tenamit a'in, ut ak xtiklaak chikan”.