2 Samuel 24:10 - Q'eqchi Bible

¹⁰ Naq ak ke'ajlaak chixjunileb' li tenamit, kiyot'e'k xch'ool laj David ut kixye re li Qaawa': “Nimla maak xinb'aanu laa'in aj k'anjel chawu. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”, chan.

Li Santil hu

¹⁰ Nak ac queꞌajla̱c chixjunileb laj Israel, quiyotꞌeꞌ xchꞌo̱l laj David. Quitijoc ut quixye re li Dios: —At Ka̱cuaꞌ, nimla ma̱c li xinba̱nu la̱in. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

2 Samuel 24:10 ပူးပေါင်းရင်းမြစ်များ

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

1 Samuel 24:5

Ab'an moqon chik kiraho'k xch'ool naq kixset kach'in li raq' laj Saúl:

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

1 Crónicas 21:8

Toja' naq laj David kixye re li Yos: “Nimla maak li xinb'aanu laa'in aj k'anjel chawu naq xwajlaheb' li tenamit. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

San Juan 8:9

Naq ke'rab'i li aatin a'in, ke'xtikib' elk chi xjunjunqaleb', xb'enwa eb' li cheekel winq, toj reetal naq ke'elk chixjunileb'; ut li Jesus kikanaak xjunes rochb'een li ixq li toj xaqxo sa' yiib'ej.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

San Marcos 7:22

muxuk sumlaak, pixilal, maa'usilal, b'alaq'ik, tz'i'b'eetalil na'leb', kaqalik, majewank, q'etq'etil, maak'a'il na'leb'.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

Li xHu LAJ JOB 7:21

K'a'ut naq ink'a' nasachk sa' laach'ool linmaak ut taakuy li xinmaakob'k wi'? Chi seeb' wanqin chi jiljo sa' ch'och': tinaasik', ab'an ink'a' chik wanqin.

2 Crónicas 32:26

Ab'anan chirix naq xq'etq'eti rib', laj Esekías kiyot'e'k xch'ool, ut a'an ajwi' ke'xb'aanu eb' laj Jerusalén. Jo'kan naq li Qaawa' ink'a' kixrahob'tesiheb' naq toj yo'yo li awab'ej.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

Deuteronomio 32:6

Ma jo'kan naq nakaq'ajkamu li Qaawa' laaYos, at jip aj tenamit ut maak'a' aana'leb'? Ma ink'a' tab'i' A'an laaYuwa', laj Winqob'resihom aawe?

Números 12:11

ut kixye re laj Moisés: “Chakuy inmaak, at inqaawa', maateneb' taxaq sa' qab'een li maak a'in li xqab'aanu xb'aan qamemil.

2 Samuel 24:17

Naq laj David kiril li ánjel yo chi xrahob'tesinkil li tenamit, kixye re li Qaawa': “Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', naq taataqla chaq li rahilal sa' inb'een ut sa' xb'een linjunkab'al”.

1 Reyes 8:35

“Naq taatz'aponq li choxa ut ink'a' chik tixk'e li hab' xb'aan naq laatenamit xe'maakob'k chawu, wi te'chalq chi tijok sa' li na'ajej a'in ut te'xloq'oni aawu, wi te'yot'e'q xch'ool chirix li maak xe'xb'aanu xb'aan li rahilal xak'e sa' xb'eeneb',

Éxodo 10:16

Toja' naq laj Parahón kixb'oqeb' chi junpaat laj Moisés ut laj Aharón ut kixye reheb': “Xinmaakob'k chiru li Qaawa' leeYos ut cheru laa'ex.

1 Samuel 24:6

“Li Qaawa' taxaq chikoloq we chi xb'aanunkil rahilal re li awab'ej, a' li sik'b'il ru xb'aan li Qaawa'. Maajoq'e tintaqsi wuq' sa' xb'een, xb'aan naq a'an yulb'il xb'aan li Qaawa'”, chan reheb' laj puub'.

1 Crónicas 21:7

Li Yos ink'a' ajwi' kiwulak chiru naq laj David kixtaqla rajlankileb' laj Israel. Jo'kan naq kixtaqla rahilal sa' xb'eeneb'.

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.