2 Samuel 23:17 - Q'eqchi Bible

¹⁷ “Ink'a' taxaq tixk'e we li Qaawa' ruk'b'al li ha' a'in! A'an xkik'eleb' li winq li xe'wulak chi xsik'b'al li ha' a'in ut kach'in chik maa xe'kamk”, chan. Ut ink'a' kiraj ruk'b'al. A'an a'in li ke'xb'aanu li oxib' chi winq yo'ooneb' chi yalok.

Li Santil hu

¹⁷ Ut quixye: —At Ka̱cuaꞌ, ma̱min ta̱ru̱k tincuucꞌ li haꞌ aꞌin. Chanchan raj nak tincuucꞌ xquiqꞌueleb li cui̱nk aꞌin xban nak xeꞌxkꞌaxtesi raj lix yuꞌameb chi ca̱mc nak queꞌco̱eb chixcꞌambal li haꞌ chokꞌ cue, chan. Ut laj David incꞌaꞌ quirucꞌ li haꞌ. Aꞌan aꞌin li queꞌxba̱nu li oxib chi cui̱nk li cauheb xchꞌo̱l chi pletic.

2 Samuel 23:17 ပူးပေါင်းရင်းမြစ်များ

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

1 Corintios 15:30

Laa'o ajwi', k'a'ut naq xiw xiw wanko junelik?

San Marcos 14:24

Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Salmos 72:14

A'an taa'isinq reheb' sa' li raasa ut li rahob'tesiik, xb'aan naq k'ajo' xloq'al li xyu'ameb' chiru a'an.

1 Reyes 21:3

Ab'an laj Nabot kixye re laj Ajab: “Ramro chiwu xb'aan li Qaawa' xk'ayinkil aawe li xweechani rik'in linyuwa'”.

2 Samuel 20:20

Kichaq'ok laj Johab: “Chi moko xink'oxla xb'aanunkil a'an! Moko wajom ta xt'anb'al ut xsachb'al.

1 Samuel 26:11

Li Qaawa' taxaq chikoloq we chi xtaqsinkil wuq' sa' xb'een li awab'ej yulb'il xb'aan. Anaqwan xok li jutz' che' li wank chi xjolom jo'wi' li xxarul li xha', ut yo'o”.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Jueces 5:18

Laj Sabulón ut laj Neftalí ink'a' ke'xra li xyu'ameb' sa' li xtaqeq'il li tenamit.

Génesis 44:17

Ab'an laj José kixye: “Maajun wa tinb'aanu a'in! Li xtawmank wi' li sek', a'an taakanaaq cho'q aj mun sa' li wochoch; ut laa'ex texq'ajq wan wi' leeyuwa' chi maak'a'aq eech'a'ajkilal”.

Génesis 9:4

Ka'ajwi' li tib' li toj wank xkik'el ink'a' naru teetzeka, xb'aan naq li kik' a'an xyu'am.

1 Crónicas 11:19

“Ink'a' taxaq tixk'e we li Qaawa' ruk'b'al li ha' a'in! Ma twuk' tab'i' xkik'eleb' li winq li xe'k'amok chaq li ha' a'in ut kach'in chik maa xe'kamk?”, chan. Ut ink'a' kiraj ruk'b'al. A'an a'in li ke'xb'aanu li oxib' chi winq yo'ooneb' chi yalok.