2 Samuel 23:10 - Q'eqchi Bible

¹⁰ ab'an kaw xaqxo laj Elehasar chi yalok: kixkamsiheb' laj Filistea toj reetal kilub'k li xtel ut kiletzq'uuk li ruq' rik'in li xch'iich'. Sa' li kutan a'an li Qaawa' kixk'eheb' laj Israel chi xq'axb'al ruheb' laj Filistea, ut eb' laj puub' ke'sutq'iik chirixeb' yal re xxokb'al li k'a' re ru xe'reechani sa' li yalok.

Li Santil hu

¹⁰ Abanan laj Eleazar incꞌaꞌ quie̱lelic. Quipletic ban riqꞌuineb toj retal quilub li rukꞌ ut quiletz lix chꞌi̱chꞌ saꞌ li rukꞌ. Saꞌ li cutan aꞌan li Ka̱cuaꞌ quixkꞌaxtesiheb laj filisteo saꞌ rukꞌ ut eb laj Israel queꞌsukꞌi yal re xxocbal li cꞌaꞌak re ru xeꞌre̱chani saꞌ li ple̱t.

2 Samuel 23:10 ပူးပေါင်းရင်းမြစ်များ

1 Samuel 19:5

Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.

1 Samuel 11:13

Ab'an laj Saúl kixye: “Maajun chikamq anaqwan, xb'aan naq li Qaawa' xooxkol laa'o aj Israel sa' li kutan a'in”.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

Isaías 53:12

Jo'kan naq tink'e xna'aj sa' xyanqeb' li xninqal ru winq ut tixwotz li sahilal rochb'eeneb' li wankeb' xwankil, xb'aan naq xq'axtesi rib' chi kamsiik ut xk'eemank sa' ajl sa' xyanqeb' laj maak. Relik chi yaal naq xriiqani li xmaak naab'aleb' chi poyanam ut xtijok, x'elajink chirixeb' laj q'etol aatin.

Salmos 144:10

laa'at nakatk'ehok reheb' li awab'ej chi q'axok u ut nakakol laj David laj k'anjel chawu.

Salmos 108:13

Maak'a' na'ok wi' li xtenq'ahom li winq; choohaatenq'a taxaq sa' li yalok.

Salmos 68:12

Li Qaawa' xyehom li raatin; ut naab'aleb' li ixq xe'yehok resil:

2 Reyes 5:1

Laj Nahamán, xyuwa'ileb' laj puub' re li awab'ej re Aram, a'an jun li winq nawno ru chi us ut jwal raaro xb'aan li awab'ej, xb'aan naq sa' xk'ab'a' a'an li Qaawa' kixk'eheb' laj Aram chi numtaak sa' xb'eeneb' li xik' neke'ilok reheb'. Ab'anan li xnimal ru winq a'an yaj xb'aan li saqlepil.

1 Samuel 14:23

Jo'ka'in naq li Qaawa' kixk'eheb' laj Israel chi q'axok u sa' li kutan a'an. Li yalok kiwulak toj junpak'al Bet-Jorón.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Jueces 15:18

K'ajo' naq taachaqiq re laj Sansón naq kixb'aanu a'an! Jo'kan naq kixyaab'a xk'ab'a' li Qaawa' ut kixye: “Laa'at xinaak'e chi numtaak sa' xb'eeneb' laj Filistea. Ut anaqwan ma tinaakanab' chi kamk xb'aan chaqi'eel? Ma tinaaq'axtesi sa' ruq'eb' li ink'a' nakate'xpaab'?”, chan.

Jueces 15:14

Naq ke'wulak aran Lejí, japjookeb' re laj Filistea naq ke'xk'ul laj Sansón sa' li xtenamiteb'. Ab'an li xMusiq' li Qaawa' kichalk sa' xb'een laj Sansón ut a'in kixt'upiheb' li k'aam li b'ak'b'ookeb' wi' li ruq' ut li xtel, kama' wi' li k'atb'il noq', ut kik'ixonk li xb'ak'b'al sa' ruq'.

Josué 11:8

Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

Josué 10:42

Sa' li yalok a'an kixq'ax ruheb' chixjunil li awab'ej a'an ut kireechani li xna'ajeb', xb'aan naq li Qaawa', xYos laj Israel, yo chi tenq'ank reheb' laj Israel.

Josué 10:10

Li Qaawa' kixk'eheb' chi elelik chiruheb' laj Israel: k'ajo' naq kixsacheb' aran Gabahón! Kixtaaqiheb' sa' li b'e nataqe'k sa' li tenamit Bet-Jorón, ut wankeb' ajwi' ke'kamsiik Aseká ut Makedá.

2 Samuel 23:12

Ab'an laj Samá koxxaqab' rib' sa' xyi li ch'och' a'an, kixkol rix li na'ajej ut kixq'ax ruheb' laj Filistea. Jo'ka'in naq li Qaawa' kixk'e re laj Samá jun nimla q'axok u.

1 Crónicas 11:13

Kiwank rochb'een laj David aran Pas-Damín b'arwi' ke'xch'utub' rib' laj Filistea re yalok. Kiwank aran jun li na'ajej b'arwi' awb'il li seb'aad, ut naq eb' laj Israel ke'elelik chiruheb' laj Filistea,

1 Samuel 17:53

Naq ke'raqe'k chi raanilasinkileb' chi kaw eb' laj Filistea, eb' laj Israel ke'sutq'iik chaq ut ke'xxok li k'aru wank sa' xhilob'aaleb'.