2 Samuel 22:9 - Q'eqchi Bible

⁹ X'elk chaq b'uquqnak sib' sa' ru'uj, x'elk chaq xam sa' re, k'ajo' xtiqwal, jo'wi' ru xam yo chi k'atok.

Li Santil hu

⁹ Chanchan nak qui-el li sib saꞌ ruꞌuj. Chanchan nak qui-el chak xam saꞌ re, re sachoc. Chanchan li ru xam lochlo xxamlel.

2 Samuel 22:9 ပူးပေါင်းရင်းမြစ်များ

Hebreos 12:29

xb'aan naq li qaYos a'an jo' jun li xam k'ajo' nasachok.

Habacuc 3:5

K'amol b'e li raxkamk chiru li Qaawa' ut chirix A'an yo chi xik li kaqitiq.

Jeremías 15:14

Tatinkanab' cho'q xmuneb' li xik' neke'ilok aawe sa' jun tenamit li ink'a' aanawom ru, xb'aan naq k'ajo' injosq'il xchalk sa' aab'een, chanchan junaq xam li tixsach aawu chi junwaakaj”, chan li Qaawa'.

Isaías 30:27

K'ehomaq reetal, we' chaq li Qaawa', toj najt xchalk chaq. K'ajo' chaq li xjosq'il jo' li ru xam ut li sib' li nasachok. Li xtz'uumal re nak'utuk li xjosq'il ut li ru'uj raq' nak'atok kama' li xam.

Salmos 18:15

Xkutihatq chaq li xsimaj ut xyoolesiheb'; rik'in xk'atom li raq'kaaq xsacheb' xwankil.

Salmos 18:8

Toja' naq xchiq'chiq'iik li ruuchich'och' ut xwank li hiik, xlaje'eek'asiik li tzuul toj sa' xchamal xna'aj: a' li Yos x'eek'asink reheb' sa' li xjosq'il.

Li xHu LAJ JOB 4:9

Li Yos na'apunk sa' xb'eeneb', ut neke'oso'k; nachalk xjosq'il li Qaawa', ut neke'sache'k.

2 Samuel 22:16

Toja' naq xk'utunk xchamal li palaw, x'ilmank li rub'elankil li ruuchich'och' naq xatjosq'o'k, at Qaawa', rik'in xnimal aawapusihom.

2 Samuel 22:13

Xb'aan xlemtz'unkil li xsaqenk xkanaak li choql chi saqb'ach; jo' nareprotk li raq'kaaq naq xlochk xxamlel.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Éxodo 24:17

Li xloq'al li Qaawa' kik'utunk chiruheb' li ralal xk'ajol laj Israel kama' xiwajel xam sa' xb'een li tzuul.

Éxodo 19:18

Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.