2 Samuel 22:28 - Q'eqchi Bible

²⁸ Laa'at nakatkolok reheb' li kub'enaqeb' xwankil ut nakasacheb' xwankil li q'etq'eteb'.

Li Santil hu

²⁸ La̱at nacatcoloc reheb li tenamit li nequeꞌxcubsi ribeb cha̱cuu. Abanan nacacubsiheb xcuanquil li nequeꞌxnimobresi ribeb cha̱cuu.

2 Samuel 22:28 ပူးပေါင်းရင်းမြစ်များ

Isaías 5:15

Li junjunq taakub'siiq xwankil chi junajwa ut eb' li q'etq'et te'xkub'si rib'eb'.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

San Mateo 5:3

“Us xaq reheb' li neb'a'eb' li xch'ool, xb'aan naq reheb' a'an li xnimajwal wankilal li choxa.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Proverbios 21:4

Li q'etq'etil ut li nimob'resink ib' a'an maak. Jo'kan ajwi' li xk'a'uxeb' li ink'a' useb' xch'ool.

Salmos 140:12

Ink'a' chik chixtaw xna'aj laj q'ab'anel sa' ruuchich'och'; a' ta li rahilal chinaq sa' xb'een laj yoob'anel raaxiik', ut a'an chisachoq re.

Salmos 138:6

Us ta jwal nim li Qaawa', ab'an naril li maak'a' xwankil ut toj najt naxnaw ru li q'etq'et.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

Salmos 131:1

B'ich re li taqsink. Xsaalm laj David. At Qaawa', ink'a' ninnimob'resi wib' chi moko ninq'etq'eti wib'. Ink'a' ninsik' xninqal ru na'leb' chi moko k'a' re ru jwal ch'a'aj cho'q we.