2 Samuel 21:7 - Q'eqchi Bible

⁷ Laj David kiril xtoq'ob'aal ru laj Mefibahal, ralal laj Jonatán ut ri laj Saúl, sa' xk'ab'a' li sumwank kixb'aanu laj David chiru li Qaawa' rik'in laj Jonatán, ralal laj Saúl; ut ink'a' kixq'axtesi reheb'.

Li Santil hu

⁷ Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.

2 Samuel 21:7 ပူးပေါင်းရင်းမြစ်များ

2 Samuel 4:4

Laj Jonatán, ralal laj Saúl, kiwank jun ralal sik roq, aj Mefibahal xk'ab'a'. Oob' chihab' wank re naq ki'elk chaq Jisrehel resil li xkamik laj Saúl ut laj Jonatán. Toja' naq li ixq aj ilol re kixchap ut ki'elelik, ab'anan naq yo chi aanilak, kit'ane'k li ch'ina'al ut sik kikanaak.

1 Samuel 23:18

Ut xkab'ichaleb' ke'xk'uub' jun sumwank chiru li Qaawa'. Chirix chik a'an laj David kikanaak Jorsa ut laj Jonatán kisutq'iik sa' rochoch.

1 Samuel 20:15

maakanab' rusilankil linjunkab'al. Naq li Qaawa' akaq xchoyeb' li xik' neke'ilok re laj David sa' ruuchich'och', ink'a' taxaq chisache'q li xk'ab'a' laj Jonatán sa' xyanq li xjunkab'al laj David”.

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

2 Samuel 9:10

Jo'kan naq chalen anaqwan laa'at, eb' laawalal aak'ajol ut eb' laamoos teek'anjela li ch'och' cho'q re laj Mefibahal; ut chixjunil li ru rawimq li ch'och' laa'at tento taak'uula re naq wanq xtzekemq li xjunkab'al laj eechal aawe. Ab'an laj Mefibahal li ri xmam twaj taawa'aq sa' linmeex chi junelik”. Kichaq'ok laj Sibá li wank o'laju ralal ut junmay xmoos,

1 Samuel 20:8

B'aanu usilal we, xb'aan naq laa'in aj k'anjel chawu ut xqak'uub' jun sumwank chiqib'il qib' chiru li Qaawa'. Wi ut laa'in wank linmaak, chinaakamsi laa'at anaqwan. K'a' aj e naq toj tinaak'am rik'in laayuwa'?”.

1 Samuel 20:42

Toja' naq laj Jonatán kixye: “Ayu sa' tuqtuukil usilal, xb'aan naq qakab'ichal xqaye sa' xk'ab'a' li Qaawa' naq A'an chiwanq taxaq chi junelik sa' qayanq jo'wi' sa' xyanqeb' li qalal qak'ajol”. Moqon kixaqliik laj David ut koho, ut laj Jonatán kisutq'iik wi' chik sa' li tenamit.

1 Samuel 20:17

Jun sut chik laj Jonatán kixb'aanu li jurament, xb'aan naq k'ajo' naxra laj David: naxra kama' naq naxra rib' a'an.

2 Samuel 19:25

Ut naq ak xk'ulunk Jerusalén re xk'ulb'al li awab'ej, a'in kixye re: “K'a'ut naq ink'a' xkohat chiwix, a Mefibahal?”.

2 Samuel 16:4

Toja' naq kixye li awab'ej: “Aawehaq chixjunil li k'aru wank re laj Mefibahal”, chan. Ut laj Sibá kixhupub' rib' ut kixye re: “B'anyox aawe, at awab'ej, naq xintaw usilal chawu”.

2 Samuel 9:7

Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

1 Samuel 20:12

ut aran laj Jonatán kixye re laj David: “Sa' xk'ab'a' li Qaawa', xYos laj Israel, ninye aawe naq wulaj, sa' ajwi' li honal a'in, tinyal inq'e chi xnawb'al k'aru wank sa' xch'ool linyuwa'. Wi sa sa' xch'ool aawik'in, tintaqla xyeeb'al aawe.

2 Samuel 9:1

Sa' jun kutan laj David kixpatz': “Ma toj yo'yo junaq ralal xk'ajol laj Saúl? Twaj rusilankil ru sa' xk'ab'a' laj Jonatán”, chan.

Eclesiastés 8:2

Paab' li xchaq'rab' li awab'ej, xb'aan naq jo'kan xaye sa' jurament chiru li Yos.

1 Samuel 24:22

Ut laj David kixye li raatin chiru laj Saúl naq ink'a' tixkamsi eb' li ralal xk'ajol chi moko tixsach li xk'ab'a'. Chirix chik a'an laj Saúl koho sa' rochoch, ut laj David rochb'eeneb' laj puub' koheb' wi' chik chi xmuqb'al rib'eb'.

2 Samuel 9:6

Ut naq laj Mefibahal, ralal laj Jonatán, ri xmam laj Saúl, kiwulak wan wi' laj David, kiwiq'laak ut kixhupub' rib'. “A Mefibahal”, chu'uxk re. “We'kin, at awab'ej”, chan laj Mefibahal.