2 Samuel 20:19 - Q'eqchi Bible

¹⁹ Li qatenamit q'axal naraj wank sa' tuqtuukilal ut tiikilal. A'an jwal nim xwankil sa' xyanqeb' li tenamit re Israel. Ut laa'at taawaj xsachb'al chi junajwa! K'a'ut naq taawaj xsachb'al li reechanihom li Qaawa'?”.

Li Santil hu

¹⁹ Li katenamit nacuan saꞌ tuktu̱quil usilal ut nacuan saꞌ xya̱lal arin Israel. Aꞌin jun tenamit kꞌaxal nim xcuanquil. ¿Cꞌaꞌut nak ta̱cuaj xsachbal katenamit? Li tenamit aꞌin re li Dios, chan.

2 Samuel 20:19 ပူးပေါင်းရင်းမြစ်များ

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

2 Samuel 21:3

Laj David kixpatz' reheb': “K'aru tinb'aanu eerik'in? Chanru tintoj rix li ink'a' us xek'ul laa'ex, re naq teerosob'tesi li xtenamit li Qaawa'?”, chan.

1 Timoteo 2:2

chirixeb' li awab'ej ut chixjunileb' li wankeb' sa' xwankil, re naq wanqo sa' xyaalalil ut sa' tuqtuukilal rik'in li qak'ulub' jo'wi' rik'in xpaab'ankil li Yos.

2 Samuel 17:16

Anaqwan taqlahomaq chi junpaat xyeeb'al re laj David naq mixnumsi li q'oqyink sa' xtaq'ahil li chaqich'och', chiq'axonq b'an chi junpaat junpak'al li nima' re naq ink'a' taakamsiiq a'an chi moko li wankeb' rochb'een”, chan.

2 Corintios 5:4

Naq toj wanko sa' li muheb'aal a'in, nokootz'uyink chi namaynak li qaanm, xb'aan naq ink'a' naqaj xkanab'ankil li qatz'ejwal, naqaj b'an tootiqib'aaq sa' xb'een li k'aru ak wank chiqix, re naq li k'aru yal re kamk taasache'q xb'aan li yu'am.

1 Corintios 15:54

Ut naq li qach'och'el sululel taatiqib'aaq rik'in jun yu'amej li ink'a' naq'aak, ut li winq yal re kamk taatiqib'aaq rik'in jun yu'amej li ink'a' nalajk na'oso'k, aran taatz'aqloq ru li aatin tz'iib'anb'il sa' li Santil Hu: “Xsache'k xwankil li kamk chi junajwa.

Lamentaciones 2:16

Chixjunileb' li xik' neke'ilok aawe neke'aatinak chawix; neke'xuxb'ak ut neke'xk'uxuxi li ruuch reheb': “Xqasach ru -chankeb'-. A'an a'in li kutan yooko royb'eninkil. Ak xqataw, ak yooko rilb'al!”.

Lamentaciones 2:5

Chanchan naq xik' chik nokooril, li Qaawa' xsach ru laj Israel; xjuk'i chixjunileb' li xch'ina'usil ochoch, xsacheb' li kawub'resinb'il kab'l, ut xnujob'resi laj Judá chi rahil ch'oolej ut yaab'ak.

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Jeremías 51:34

Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Salmos 124:3

xoohe'xnuq' raj chi yo'yo xb'aan naq numtajenaq xjosq'ileb'.

Jueces 5:7

Maak'a'eb' chaq chik laj k'amol b'e aran Israel, maak'a'eb' chaq chik toj reetal kinwakliik laa'in lix Débora, kinwakliik laa'in xna'eb' laj Israel.

Deuteronomio 32:9

Ab'an li kitz'aqk li Qaawa', a'an li xtenamit; laj Jakob kikanaak tz'aqal cho'q reechanihom.

Números 26:10

Aran kitehonk li ch'och' ut kixnuq'eb' li wiib' a'an, rochb'een laj Koré. Lajeeb' roxlajuk'aal (250) chi winq ke'kamk xb'aan li xam, re xk'ajtesinkil ruheb'.

Números 16:32

kitehonk li ch'och' ut kixnuq'eb' li winq a'an rochb'een chixjunil li xjunkab'aleb'. Jo'kan ajwi' ke'xk'ul chixjunileb' laj Koré rochb'een li jo'nimal wank reheb'.

Génesis 18:23

Kinach'ok laj Abrahán rik'in ut kixye re: “Ma taasach laa'at li tiikeb' xch'ool rochb'eeneb' laj maak?

Deuteronomio 20:10

“Naq tatjiloq chi xk'atq junaq tenamit re yalok rik'ineb', xb'enwa taayeechi'i li tuqtuukilal reheb'.

2 Samuel 14:16

Wi laa'at taapaab' li waatin, tatruuq inkolb'al sa' ruq' li winq li naraj insachb'al laa'in ut linyum sa' xyanqeb' laj Israel.

2 Samuel 20:18

Toja' naq li ixq kixye: “Junxil nayeemank: «Ani taaraj patz'ok, chipatz'oq aran Abel», chankeb' li qaxe' qatoon. Ut chi jo'kan nach'olaak chixjunil.

2 Samuel 20:20

Kichaq'ok laj Johab: “Chi moko xink'oxla xb'aanunkil a'an! Moko wajom ta xt'anb'al ut xsachb'al.

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

1 Reyes 8:53

Xb'aan naq laa'at, at Qaawa', kasik'eb' ru cho'q aawe, sa' xyanqeb' chixjunileb' li tenamit li wankeb' sa' ruuchich'och', jo' kaye chaq re laj Moisés, laj k'anjel chawu, naq kawisiheb' chaq eb' li qana' qayuwa' aran Ejiipt”, chan laj Salomón.

Salmos 33:12

Us xaq re li tenamit li wank cho'q xYos li Qaawa', li tenamit sik'b'il ru cho'q reechanihom.

Salmos 78:71

re naq tixkanab' li k'anjel a'an ut a' chik li xtenamit tixb'eresiheb', a'eb' laj Israel, li reechanihom.

Salmos 106:5

re naq toxwil li xsahilaleb' xch'ool li sik'b'ileb' ru aab'aan, chintz'aqonq sa' xsahojik laatenamit ut chinnimob'resi wib' rik'in laaweechanihom.