2 Samuel 2:26 - Q'eqchi Bible

²⁶ Toja' naq laj Abner kixb'oq laj Johab ut kixye re: “Toj jo'q'e tqakanab' xkamsinkil qib'? Ma ink'a' nakanaw naq chixjunil a'in rahil ch'oolej toxraqe'q wi'? Jo'q'e taaye reheb' laapoyanam naq xkanab'aqeb' raanilasinkil li ras riitz'ineb'?”.

Li Santil hu

²⁶ Laj Abner quixjap re chixyebal re laj Joab: —¿Ma tento nak junelic yo̱ko chixcamsinquil kib? ¿Ma incꞌaꞌ nacanau nak junes raylal tixqꞌue saꞌ kabe̱n? La̱o kacomon kib chikajunilo. ¿Ma incꞌaꞌ ta̱ye reheb la̱ soldados nak teꞌxcanab ka̱linanquil? chan.

2 Samuel 2:26 ပူးပေါင်းရင်းမြစ်များ

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Hechos 7:26

Sa' li kutan jun chik kixk'ut rib' chiruheb' naq yookeb' chi xch'e'b'al rib', ut kiraj raj xk'amb'aleb' sa' tuqtuukilal chirib'ileb' rib': «Ex winq, laa'ex eeras eeriitz'in eerib' -chan reheb'. K'a'ut naq yookex chi xrahob'tesinkil eerib' cherib'il eerib'?».

Jeremías 46:10

A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Oseas 11:6

Sa' li xtenamiteb' taawanq li yalok: te'sache'q eb' li kawub'resinb'il ochoch ut taajuk'iiq chixjunil xb'aan li maa'usilal neke'xk'uub'.

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Jeremías 4:21

Jo' najtil chik yooqin rilb'al li reetalil li yalok ut yooqin rab'inkil xyaab'eb' li pur?

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Isaías 1:20

ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

Proverbios 17:14

Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Salmos 4:2

At inYos, at Kolol we, chinaawab'i taxaq naq ninyaab'a laaloq'laj k'ab'a'. Laa'at li xattehok li b'e chiwu, naq xint'il sa' li rahilal, chawuxtaana wu ut chawab'i taxaq lintij.

Li xHu LAJ JOB 19:2

Jo'q'e teekanab' inch'i'ch'i'inkil ut xrahob'tesinkil linch'ool rik'in leek'iila aatin?

Li xHu LAJ JOB 18:2

Jo'q'e teekanab' aatinak? K'oxlahomaq chi us chixjunil, toja' naq too'aatinaq.

2 Samuel 11:25

Toja' naq laj David kixye re laj esil: “Ye re laj Johab naq ink'a' taak'oxlaq chirix li xk'ulmank xb'aan naq jo'kan li yalok: sa' jun kutan nakamk junaq, ut sa' jun kutan chik ak jalan chik nakamk. Chixyal xq'e chi yalok wi' chik rik'in li tenamit toj reetal tixsach, ut laa'at k'e xkawub' li xch'ool”, chan laj David.

2 Samuel 2:16

Ke'xchap xjolomeb' chirib'ileb' rib' ut li junjunq kixlap li xjutz' ch'iich' chi xk'atq xsa' li xik' na'ilok re; chi jo'kan jun t'anikeb' chixjunil, ut li na'ajej a'an Jelkat-Hasurim ki'ok chi k'ab'a'iik. Li na'ajej a'an wank sa' xteepal Gabahón.

2 Samuel 2:14

Toja' naq laj Abner kixye re laj Johab: “Xaqliiqeb' li saaj al ut yaloqeb' chiqu”. “Us, xaqliiqeb'”, chan laj Johab.

2 Samuel 2:25

Aran eb' laj Benjamín ke'xch'utub' rib' rik'in laj Abner re naq te'yaloq rochb'een, ut ke'xtaw xna'ajeb' sa' xb'een li tzuul.

2 Samuel 2:27

Kichaq'ok laj Johab: “Sa' xk'ab'a' li yo'yookil Yos ninye aawe, wi ink'a' ta xat-aatinak, eb' linpoyanam ink'a' raj xe'xkanab' raanilasinkil chixjunqaleb' li ras riitz'in toj re naq taasaqewq”, chan.