2 Samuel 2:23 - Q'eqchi Bible

²³ Ab'an laj Asahel ink'a' kixkanab' raanilasinkil; jo'kan naq laj Abner kixlap li jutz' che' sa' xsa', paynum toj chirix. Kit'ane'k ut aran ajwi' kikamk. Ut jo'k'ihaleb' neke'wulak sa' li na'ajej b'arwi' kit'ane'k ut kikamk laj Asahel, neke'xaqliik.

Li Santil hu

²³ Abanan laj Asael incꞌaꞌ quixcanab ra̱linanquil. Joꞌcan nak laj Abner quixcuj lix la̱ns saꞌ xcꞌatk xsaꞌ laj Asael ut li la̱ns qui-el jun pacꞌal. Ut laj Asael quitꞌaneꞌ saꞌ chꞌochꞌ ut quicam. Chixjunileb li yo̱queb chi numecꞌ saꞌ li naꞌajej li cuan cuiꞌ li camenak nequeꞌxakli chirilbal.

2 Samuel 2:23 ပူးပေါင်းရင်းမြစ်များ

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

2 Samuel 4:6

Jo'kan ajwi' li ixq li na'ilok re kab'l kikub'eek xwara naq yo chi tz'ilok triiw. Chi jo'kan laj Rekab ut laj Bahaná li riitz'in ke'ok chi maa'ani ki'ilok reheb'.

2 Samuel 20:10

Laj Amasá ink'a' kixk'e reetal naq wank xch'iich' laj Johab sa' li ruq' jun chik; ut a'in kixjutz' chi ch'iich' laj Amasá jun sut ajwi' sa' xsa', ut chixjunil li xsooyom kit'ane'k chiru ch'och'. Sa' junpaat kikamk laj Amasá. Chirix chik a'an laj Johab rochb'een laj Abisay li riitz'in koheb' wi' chik chi xsik'inkil laj Sebá, ralal laj Bikrí.

2 Samuel 5:6

Li awab'ej ut eb' li winq li wankeb' rochb'een koheb' Jerusalén chi yalok rik'ineb' laj Jebús li wankeb' sa' li na'ajej a'an. Ut eb' a'in ke'xye re laj David: “Laa'at ink'a' truuq tat-ok arin, xb'aan naq a'atqeb' li mutz' ut li yeq roqeb' tz'aqaleb' charamb'al” (naraj naxye naq laj David ink'a' truuq taa'ok aran).

2 Samuel 2:24

Toja' naq laj Johab ut laj Abisay koheb' chi xsik'b'al laj Abner. Ak ewu chik naq ke'wulak wan wi' li tzuul Amá li wank sa' xjayal Jihaj, sa' li b'e naxik sa' li chaqich'och' re Gabahón.

2 Samuel 3:30

Laj Johab ut laj Abisay li riitz'in ke'xkamsi laj Abner xb'aan naq a'in kixkamsi laj Asahel li riitz'ineb' sa' li yalok aran Gabahón.