2 Samuel 19:43 - Q'eqchi Bible

⁴³ Ke'chaq'ok eb' laj Israel: “Laa'o yaal qe sa' xb'een li awab'ej, sa' xb'een laj David. K'a' naq nokooheetz'eqtaana? Laa'o asb'ejo cheru ut laa'o li tz'aqal xoo'aatinak xb'enwa re naq taasutq'iiq chaq li awab'ej”, chankeb'. Ab'anan eb' laj Judá q'axal kaw wi' chik ke'aatinak chiruheb' laj Israel.

Li Santil hu

⁴³ Eb li ralal xcꞌajol laj Israel queꞌxye reheb: —La̱o yal ke saꞌ xbe̱n li rey. ¿Cꞌaꞌut nak nocoe̱tzꞌekta̱na? ¿Ma ma̱cuaꞌ ta biꞌ la̱o kꞌaxal nabalo che̱ru la̱ex? Ut la̱o li xbe̱n li xkaye nak ta̱sukꞌi̱k cuiꞌchic li rey, chanqueb. Ut eb li ralal xcꞌajol laj Judá kꞌaxal cau cuiꞌchic queꞌa̱tinac chiruheb li ralal xcꞌajol laj Israel.

2 Samuel 19:43 ပူးပေါင်းရင်းမြစ်များ

Gálatas 5:20

xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib',

2 Samuel 5:1

Chixjunileb' li xteepal laj Israel ke'wulak Hebrón rik'in laj David ut ke'xye re: “K'e reetal, laa'o qacha'al qib', qakik'el qib'.

Santiago 1:20

Xb'aan naq li josq' aj winq ink'a' naxb'aanu li tiikilal li naraj li Yos.

Filipenses 2:3

Mik'a' eeb'aanu sa' q'etq'etil chi moko yal re xnimob'resinkil eerib', chekub'siiq b'an eewankil; li junjunq tixk'oxla naq eb' li xkomon q'axal ninqeb' chik xwankil chiru.

Gálatas 5:26

Miqasik' qawankil qajunes qib', miqayoob' qajosq'il chiqib'il qib' chi moko chiqakaqali qib'.

Gálatas 5:15

Chek'ehaq reetal, wi neketiw eerib' ut neket'upihatq eerib' cherib'il eerib', toxeekamsi eerib' cherib'il eerib'!

Romanos 12:21

Maak'e chi numtaak li ink'a' us sa' aab'een, chaq'ax b'an a'an rik'in li us.

Proverbios 18:19

Moko ch'a'aj ta xjuk'b'al junaq suttz'ak chiru xk'ojob'ankil xch'ool junaq amiiw li xhob'e'k ut ra xk'ul. Li wech'ij ib' naxram li aatin kama' wi' xnat'b'al rix li okeb'aal.

Proverbios 17:14

Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

Proverbios 13:10

Li q'etq'etil junes raaxiik' naxyoob'; a'ut li chaab'il k'a'uxl wank rik'ineb' li neke'xkub'si xwankil.

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

2 Samuel 20:6

Toja' naq laj David kixye re laj Abisay: “Anaqwan laj Sebá, ralal laj Bikrí, q'axal yib'ru chik tixb'aanu qe chiru laj Absalón. Jo'kan naq k'ameb' chawix li neke'k'aak'alenk we ut ayuqex chi xsik'b'al. Mare anchal toxtaw eb' li tenamit suttz'akanb'ileb' ut taa'eleliq chiqu chi junajwa”, chan.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

2 Samuel 19:14

Jo'kan naq li xch'ooleb' chixjunileb' laj Judá koho chi junxikik chirix li awab'ej ut ke'xtaqla xyeeb'al: “Sutq'in chaq, laa'at ut chixjunileb' laj k'anjel chawu”.

2 Samuel 19:9

ut yalaq b'ar sa' xsutam Israel neke'xye chirib'ileb' rib': “Li awab'ej kooxkol chiruheb' li xik' neke'ilok qe ut koorisi sa' ruq'eb' laj Filistea, ut anaqwan x'elelik sa' li tenamit xb'aan laj Absalón.

Jueces 9:23

Ab'an li Yos kixtaqla jun li raaxiik' sa' xyanq laj Abimélek ut eb' li xjolomileb' laj Sikem, ut eb' a'in ke'xb'alaq'i laj Abimélek

Jueces 8:1

Eb' laj Efraín kaw ke'xwech'i laj Jedehón ut ke'xye re: “K'a' naq jo'ka'in xab'aanu qe: ink'a' xoohaab'oq naq xat-elk chi yalok rik'ineb' laj Madián?”, chankeb'.