2 Samuel 19:27 - Q'eqchi Bible

²⁷ A'ut a'an xyoob' aatin chiwix chawu laa'at li awab'ej, laj eechal we. Ab'anan laa'at chanchanat jun x'ánjel li Yos ut ninnaw naq taab'aanu li k'aru us cho'q aawe.

Li Santil hu

²⁷ Lin mo̱s xyoꞌob ticꞌtiꞌ chicuix cha̱cuu, at rey. Abanan, la̱at chanchanat lix ángel li Dios. La̱at ta̱ba̱nu li cꞌaꞌru nacanau nak us xba̱nunquil.

2 Samuel 19:27 ပူးပေါင်းရင်းမြစ်များ

2 Samuel 14:20

Re roksinkil li na'leb' a'in chi muqmu naq xb'aanu chi jo'kan. Ab'anan laj eechal we wank xna'leb' jo' jun x'ánjel li Yos ut naxnaw chixjunil li nak'ulmank sa' ruuchich'och'”.

2 Samuel 14:17

Laa'in aj k'anjel chawu, ut yookin chi royb'eninkil naq laawaatin tixk'ojob' linch'ool, xb'aan naq laa'at, awab'ej, chanchanat jun x'ánjel li Yos: nakanaw xk'eeb'al reetal li us ut li ink'a' us. A' taxaq li Qaawa' Yos chiwanq aawik'in”.

2 Samuel 16:3

“B'ar wank laj Mefibahal, li ri laj eechal aawe?”, chan li awab'ej. Kichaq'ok laj Sibá: “Xkanaak chaq Jerusalén xb'aan naq xye sa' xch'ool naq anaqwan eb' laj Israel te'xq'axtesi wi' chik re li x'awab'ejihom li xyuwa'chinilq”, chan.

1 Samuel 29:9

Ut laj Akis kixye re: “Ninnaw chi us naq chaab'ilat jo' jun x'ánjel li Yos. Ab'anan eb' li xjolomileb' laj Filistea xe'xye naq ink'a' truuq tatxik chirixeb' chi yalok.

Jeremías 9:4

Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Salmos 101:5

Li naxyoob' aatin sa' muqmu chirix li ras riitz'in, a'an tintz'eqtaana chi junajwa. Li naxq'etq'eti rib' ut naxnima xwankil, a'an ink'a' tinkuy xmaak.

Salmos 15:3

ut ink'a' nayoob'ank aatin chirix anihaq; li ink'a' naxb'aanu maa'usilal re li ras riitz'in chi moko na'aatinak chirix xjolom li rechkab'al;

Éxodo 20:16

“Matyoob'ank aatin chirix laawas aawiitz'in.

2 Samuel 16:4

Toja' naq kixye li awab'ej: “Aawehaq chixjunil li k'aru wank re laj Mefibahal”, chan. Ut laj Sibá kixhupub' rib' ut kixye re: “B'anyox aawe, at awab'ej, naq xintaw usilal chawu”.

2 Samuel 19:17

Junmay mil chi winq aj Benjamín neke'ochb'eenink re, jo' ajwi' laj Sibá, laj k'anjel sa' xjunkab'al laj Saúl, rochb'eeneb' li o'laju chi ralal ut li xjunmay chi moos. Eb' a'an ke'nume'k junpak'al li nima' Jordán naq toj maji' nawulak laj David,

2 Samuel 9:3

Toja' naq li awab'ej kixye: “Ma toj yo'yo junaq ralal xk'ajol laj Saúl? Twaj ruxtaanankil ru chi yo'oon”. Kichaq'ok laj Sibá: “Toj yo'yo jun ralal laj Jonatán, sik roq”, chan.

2 Samuel 9:13

Laj Mefibahal nawank Jerusalén xb'aan naq sik xkab'ichaleb' li roq ut junelik nawa'ak sa' xmeex li awab'ej.