2 Samuel 19:19 - Q'eqchi Bible

¹⁹ ut kixye re: “Maak'e sa' aach'ool linmaak, wa'. Mijultiko'k chik aawe li k'aru xinmaakob'k wi' chawu, at awab'ej, naq xat-elk aran Jerusalén. Ink'a' taxaq taak'e a'an sa' laach'ool,

Li Santil hu

¹⁹ Ut quixye re: —At rey, nintzꞌa̱ma cha̱cuu nak ta̱cuy inma̱c. Ma̱qꞌue saꞌ a̱chꞌo̱l li ma̱c li quinba̱nu cha̱cuu nak cat-el aran Jerusalén. Incꞌaꞌ taxak ta̱qꞌue saꞌ inbe̱n li incꞌaꞌ us xinba̱nu.

2 Samuel 19:19 ပူးပေါင်းရင်းမြစ်များ

1 Samuel 22:15

Ma toj anaqwan tab'i' xintikib' patz'ok chirix chiru li Yos? Ink'a'. At awab'ej, maajit laj k'anjel chawu chi moko eb' li wech'alal, xb'aan naq laj k'anjel chawu tik maak'a' naxnaw chirix li na'leb' a'in”.

2 Corintios 5:19

Li Yos kixk'am wi' chik sa' usilal li ruuchich'och' rik'in, sa' xk'ab'a' li Kriist: ink'a' kixk'e sa' xch'ool li xmaakeb' li tenamit, ut kixq'axtesi qe li aatin chirix li k'amok ib' sa' usilal rik'in.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Eclesiastés 10:4

Wi taajosq'o'q sa' aab'een li wank xwankil, mich'inank aach'ool. Relik chi yaal wi wank aakuyum, naru taak'uub' ru li xninqal ch'a'ajkilal.

Salmos 79:8

Ink'a' taxaq chijultiko'q aawe li xmaakeb' li qaxe' qatoon; xb'aan xnimal laarahom seeb'a chaq aawib' chi qatenq'ankil: q'axal ra wanko, ink'a' chik naqakuy.

Salmos 32:2

Us xaq re li maak'a' b'alaq'ik rik'in ut maak'a' xmaak chiru li Qaawa'.

2 Samuel 13:33

Jo'kan naq maapaab' li k'aru xe'xye aawe. Moko xe'kamsiik ta chixjunileb' laawalal. Ka'ajwi' laj Amnón xkamsiik”, chan.

2 Samuel 13:20

Laj Absalón li ras kiril ru ut kixye re: “Ma xwank laj Amnón laawas aawik'in? Maaseeraq'i a'in, at wanab', xb'aan naq a'an aawas. Ut matk'oxlak chirix a'in”. Chalen sa' li kutan a'an lix Tamar kikanaak sa' rochoch laj Absalón chi q'axal ra sa' xch'ool.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

1 Samuel 25:25

Nintz'aama chawu naq ink'a' taak'e sa' aach'ool li xyehom laj Nabal: a'an jun li winq ink'a' us xna'leb'. Aj Nabal ke'xk'e cho'q xk'ab'a', ut relik chi yaal naq a'an mem. Chakuy inmaak, laa'in aj k'anjel chawu, ink'a' xwileb' ru li winq li xataqlaheb' qik'in.

Números 12:11

ut kixye re laj Moisés: “Chakuy inmaak, at inqaawa', maateneb' taxaq sa' qab'een li maak a'in li xqab'aanu xb'aan qamemil.

2 Samuel 19:18

re xtenq'ankil chi xq'axb'al li nima' rochb'een li xjunkab'al jo'wi' re xb'aanunkil li k'aru taaraj a'an. Naq ak xnume'k li awab'ej junpak'al li nima', laj Semehí, ralal laj Kerá, kixwiq'ib' rib' chiru