2 Samuel 18:28 - Q'eqchi Bible

²⁸ Naq laj Ajimás kinach'ok chaq, kiwiq'laak, kixhupub' rib' chiru ch'och' ut kixk'e xsahil xch'ool li awab'ej: “At awab'ej, usilaatinanb'il taxaq li Qaawa' laaYos li xq'axtesink reheb' sa' laawuq' li xe'raj raj numtaak sa' aab'een”, chan.

Li Santil hu

²⁸ Laj Ahimaas quixqꞌue xsahil xchꞌo̱l li rey. Quixcut rib saꞌ chꞌochꞌ ut quixye re: —Lokꞌoninbil taxak li Ka̱cuaꞌ la̱ Dios, at rey, xban nak xatxtenkꞌa chi numta̱c saꞌ xbe̱neb li cui̱nk xeꞌraj numta̱c saꞌ a̱be̱n, chan.

2 Samuel 18:28 ပူးပေါင်းရင်းမြစ်များ

2 Samuel 14:4

Li ixq aj Tékoha koxk'ut rib' chiru li awab'ej, kiwiq'laak ut kixhupub' rib' chiru ch'och': “At awab'ej, chinaatenq'a!”, chan.

Génesis 14:20

Usilaatinanb'ilaq ajwi' li Nimajwal Yos li xq'axtesi sa' laawuq' eb' li xik' neke'ilok aawe”. Ut laj Abrán kixk'e re li xlajeetqil chixjunil li k'aru wank re.

Salmos 124:6

Usilaatinanb'il taxaq li Qaawa' li ink'a' xooxk'e chi nuq'e'k xb'aaneb' li xik' neke'ilok qe!

Salmos 115:1

At Qaawa', maak'e qaloq'al laa'o, chak'e b'an xloq'al laak'ab'a', xb'aan naq chaab'ilat ut tiik laach'ool.

Salmos 31:8

Chisaho'q linch'ool, chisaho'q li waanm sa' xk'ab'a' xnimal laarahom. Laa'at xawil naq q'axal xtoq'ob'aal wu ut xanaw chixjunil li xrahil li waanm;

2 Crónicas 20:26

Sa' xka li kutan ke'xch'utub' rib' sa' xTaq'ahil Beraká, ut aran ke'yoxink chiru li Qaawa'. Jo'kan naq chalen toj anaqwan “xTaq'ahil Beraká” nayeemank re li na'ajej a'an.

2 Samuel 22:27

laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

2 Samuel 1:2

Sa' rox li kutan kiwulak sa' xmuheb'aaleb' laj puub' re laj Saúl jun li winq kok' q'ich li raq' ut nujenaq chi pojtz' sa' xjolom. Naq kiwulak wan wi' laj David kiwiq'laak ut kixhupub' rib' chiru ch'och'.

1 Samuel 26:8

Toja' naq laj Abisay kixye re laj David: “Anaqwan li Yos xq'axtesi sa' laawuq' li xik' na'ilok aawe. Kanab'in anaqwan chi xt'ojb'al chiru ch'och' rik'in jutz' che'. Tz'aqal xkutb'al linjutz' che' junsutaq ajwi'”, chan.

1 Samuel 24:18

Sa' li kutan a'in xak'ut chiwu laachaab'ilal, xb'aan naq li Qaawa' xinxk'e sa' laawuq', ab'an laa'at ink'a' xinaakamsi.

Génesis 24:27

Kixye: “Usilaatinanb'il taxaq li Qaawa', li xYos laj Abrahán laj eechal we, xb'aan naq chaab'il xch'ool ut junelik narusila laj eechal we. A'an xk'amok chaq we chi hilank sa' rochocheb' li rech'alal laj eechal we”.

Éxodo 18:10

ut kixye: “Usilaatinanb'il taxaq li Qaawa' li x'isink chaq eere sa' ruq'eb' laj Ejiipt ut sa' ruq' laj Parahón, ut xkoleb' li tenamit chiru xwankilaleb' laj Ejiipt!

1 Samuel 17:46

Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

1 Samuel 25:23

Ka'ajwi' kiril laj David, lix Abigahil kixseeb'a rib' chi kub'eek chirix li xb'uur, kixkut rib' chi roq,