2 Samuel 18:24 - Q'eqchi Bible

²⁴ Sa' li honal a'an k'ojk'o laj David sa' xyanq li wiib' chi okeb'aal re li tenamit. Laj k'aak'alenel koho sa' xb'een li suttz'ak, sa' xtaqeq'il li okeb'aal, kixtaqsi li rilob'aal ut kiril jun li winq yo chi chalk sa' aanil ut xjunes.

Li Santil hu

²⁴ Li rey David chunchu saꞌ xyi li cuib chi oqueba̱l re li tenamit. Li soldado li yo̱ chi cꞌacꞌale̱nc re li tenamit co̱ saꞌ xbe̱n li tzꞌac cuan cuiꞌ li oqueba̱l ut yo̱ chi iloc. Quiril jun li cui̱nk yo̱ chak chi cha̱lc saꞌ a̱nil xjunes.

2 Samuel 18:24 ပူးပေါင်းရင်းမြစ်များ

2 Samuel 19:8

Toja' naq kixaqliik li awab'ej ut koxk'ojlaaq chire li rokeb'aal li tenamit, ut chixjunileb' laj puub' ke'xch'utub' rib' rik'in. Xikenaqeb' chik eb' laj Israel chi xjunjunqaleb' sa' rochocheb',

2 Samuel 18:4

Kichaq'ok li awab'ej: “Li k'aru us cho'q eere, a'an tinb'aanu”, chan. Ut kikanaak chi xk'atq li rokeb'aal li tenamit naq chixjunileb' laj puub' ke'elk chi o'taqk'aal ut chi lajeetqk'aal rox o'q'ob' (1,000).

2 Samuel 13:34

Naq laj Absalón yo chi elelik, jun li saaj al li yo chi k'aak'alenk kixtaqsi li rilob'aal ut kiril naab'aleb' li poyanam yookeb' chaq chi chalk sa' xb'ehel Joronáhin, sa' li kub'sink. Tikto koho chi xyeeb'al re laj David: “Xe'wil winq li yookeb' chaq chi kub'eek sa' li tzuul, sa' xb'ehel Joronáhin”, chan.

1 Samuel 4:13

Sa' li honal a'an chunchu laj Elí sa' li xtem, chi xk'atq li okeb'aal, chire li b'e, yo xk'a'uxl chirix li xLoq'laj Kaax li Yos. Naq kik'ulunk li winq a'an ut kixye reheb' li poyanam k'aru kik'ulmank chaq, chixjunileb' ke'ok chi xchajb'al reheb'.

2 Samuel 18:23

Kixye laj Ajimás: “A' yaal k'aru taak'ulmanq, xik we sa' aanil”. “Ayu, aanilan”, chan laj Johab. Tikto laj Ajimás kixchap xb'e, koho sa' aanil sa' xb'ehil junqre li nima' Jordán ut kixq'ax laj Kus.

2 Samuel 18:25

Kixjap re chi xyeeb'al resil re li awab'ej, ut li awab'ej kixye: “Wi xjunes chaq, chaab'il esil li tixye”. Naq laj esil yo chi nach'ok,