2 Samuel 17:8 - Q'eqchi Bible

⁸ Laa'at nakanaw chi us naq laayuwa' ut eb' li winq rochb'een q'axal kaweb' rib' ut yookeb' xjosq'il anaqwan, jo' junaq tz'uqtz'un li xmaq'mank li raleb'. Jun chik: laayuwa' naxnaw yalok chi us, ut ink'a' tixnumsi li q'oqyink sa' xyanqeb' li tenamit.

Li Santil hu

⁸ La̱at nacanau nak la̱ yucuaꞌ ut eb lix soldados cauheb rib chi pletic. Yo̱queb xjoskꞌil anakcuan. Chanchaneb li oso li namakꞌeꞌ li ral chiru. La̱ yucuaꞌ naxnau pletic chi us. Aꞌan incꞌaꞌ tixnumsi li kꞌojyi̱n saꞌ xya̱nkeb li tenamit.

2 Samuel 17:8 ပူးပေါင်းရင်းမြစ်များ

Oseas 13:8

Tinkut wib' sa' xb'eeneb' jo' naxb'aanu li tz'uqtz'un naq neke'maq'ek li ral chiru; tint'upiheb' li xch'ool, aran ajwi' tinputz'iheb' jo' naxb'aanu li kaqkoj; ut eb' li k'iche'il xul te'choyoq reheb'.

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

Daniel 7:5

“Chirix chik a'an kik'ulunk jun chik li xul, chanchan wi' na'ilok jun nimla tz'uqtz'un, xaqxo sa' wiib' li roq, wank oxib' xb'aqel xuku'y sa' re ut q'axal taqenaq chik sa' xtz'e chiru li junpak'al. Ut kiyeemank re: «Waklin ut tiwon tib' chi yo'oon».

Proverbios 17:12

Jwal us naq taataw aawib' rik'in junaq josq' aj xul chiru naq toxaataw junaq winq maak'a' xna'leb'.

Proverbios 28:15

Jo' li kaqkoj naxjap re ut li tz'uqtz'un naxt'upi li xtzak, jo'kan naxb'aanu li maak'a' xna'leb' chi awab'ejink sa' xb'eeneb' li neb'a'.

2 Reyes 2:24

Laj Eliseo kixsutq'isi rib', kikanaak chi xka'yankileb' ut kixmajewaheb' sa' xk'ab'a' li Qaawa'. Toja' naq sa' li k'iche' ke'elk chaq wiib'eb' li tz'uqtz'un, ut ke'xt'upi wiib' roxk'aaleb' xkomoneb' li saaj aleb'.

2 Samuel 23:18

Laj Abisay, riitz'in laj Johab ut xyum lix Sarbia, a'an xjolomil eb' li kaweb' rib'. Sa' jun kutan kixkut rib' sa' xb'eeneb' o'lajuk'aal (300) chi winq rik'in li xjutz' ch'iich' ut kixkamsiheb'. Jo'kan naq kinimank xwankil sa' xyanqeb' li lajeeb' xka'k'aal

2 Samuel 23:16

Toja' naq li oxib'eb' chi kaweb' rib' ke'ok sa' xmuheb'aaleb' laj Filistea ut ke'risi chaq ha' sa' li kumb' wank chi xk'atq li okeb'aal re Belén; ke'xk'am ut koxe'xyeechi'i re laj David. Ab'an a'an ink'a' kiruk', kixhoy b'an jo' yeechi'inb'il mayej chiru li Qaawa':

2 Samuel 15:18

Rochb'een a'an wankeb' li xjolomileb' laj puub'. Ut eb' laj Keret, eb' laj Pélet, eb' laj Itay ut chixjunileb' laj Kit (lajeek'aal xkab' o'q'ob' chi winq li ke'taaqenk re laj David chalen chaq Gat) ke'nume'k chiru li awab'ej.

1 Samuel 23:23

Ilomaq ut k'ehomaq reetal chixjunileb' li na'ajej b'arwi' naru tixmuq rib', ut naq akaq xch'olaak chixjunil cheru, toleeye we ut laa'in tinxik cherix. Ut wi relik chi yaal wanq aran, tinsik'i chi us sa' chixjunileb' li xjunkab'aleb' laj Judá”.

1 Samuel 17:50

Jo'ka'in naq laj David kixq'ax ru laj Filistea rik'in jok' ut pek; kixket ut kixkamsi chi maak'a' xch'iich' sa' ruq'.

Jueces 18:25

Kisumeek: “Mat-eek'ank chik. Mare anchal wank junaq qe taajosq'o'q, tixkut rib' sa' eeb'een, ut tatkamsiiq laa'at jo'wi' laajunkab'al”.

2 Samuel 17:9

Muqmu tana anaqwan sa' junaq ochoch pek malaj sa' junaq chik na'ajej. Wi li te'kamq xb'enwa a'aneb' laj puub' li neke'k'anjelak chawu, taa'elq resil a'an ut taayeemanq naq eb' li neke'okenk chirix laj Absalón xe'xk'ul jun nimla rahilal.

Ezequiel 19:2

Ye chi jo'ka'in: «Chanchan li kaqkoj laana', li wank sa' xyanqeb' li kaqkoj. Tuntu sa' xyanqeb' li kok' kaqkoj naq kixk'iiresiheb' li ral.