2 Samuel 17:22 - Q'eqchi Bible

²² Tikto ke'xaqliik laj David ut chixjunileb' li wankeb' rochb'een ut ke'q'axonk junpak'al li nima' Jordán. Naq kisaqewk sa' li kutan jun chik, ak wankeb' chik chixjunileb' junpak'al li nima'.

Li Santil hu

²² Joꞌcan nak laj David ut chixjunileb li cuanqueb rochben queꞌco̱eb jun pacꞌal li nimaꞌ. Nak quisake̱u, ac xeꞌxkꞌax li nimaꞌ Jordán chixjunileb.

2 Samuel 17:22 ပူးပေါင်းရင်းမြစ်များ

San Juan 18:9

A'in kik'ulmank re naq chitz'aqloq ru li aatin yeeb'il chaq xb'aan: “Maajun reheb' li xak'e we, xsachk chiwu”.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Proverbios 27:12

Li wank xna'leb' naril li raaxiik' ut naxkol rib' chiru; a'ut li maak'a' xna'leb' tiik nanume'k ut naxk'ul li rahilal.

2 Samuel 17:24

Laj David kiwulak Majanáhin naq laj Absalón yo chi nume'k junpak'al li nima' Jordán rochb'een chixjunileb' laj Israel.

Números 31:49

ut ke'xye re laj Moisés: “Laa'o aj k'anjelo chawu, xqajlaheb' li winq li wankeb' rub'el qawankil, ut xqak'e reetal naq tz'aqaleb'; maajun xsachk chaq.

2 Samuel 17:21

Naq ak xikenaqeb' chik a'an, laj Ajimás ut laj Jonatán ke'elk chaq sa' xjulel li ha' ut koheb' chi xyeeb'al re laj David li awab'ej: “Xaqlinqex ut q'axonqex chi junpaat junpak'al li nima', xb'aan naq xyehom laj Ajitófel naq chalqeb' sa' eeb'een”.

2 Samuel 17:23

Naq laj Ajitófel kixk'e reetal naq laj Absalón ink'a' kixk'ulub'an li xyehom, kixyiib' rix li xb'uur ut koho sa' rochoch sa' li xtenamit. Aran kixchaq'rab'i li xjunkab'al ut kixyatz' rib'. Jo'ka'in naq kikamk, ut ke'xmuq sa' li na'ajej kimuqe'k wi' li xyuwa'.