2 Samuel 17:14 - Q'eqchi Bible

¹⁴ Toja' naq laj Absalón ut chixjunileb' laj Israel ke'xye: “Q'axal us li na'leb' xk'e laj Jusay aj Arkí chiru li xk'e laj Ajitófel”, chankeb'. A' li Qaawa' ki'ajok xpo'b'al ru li xk'uub'ahom laj Ajitófel, us ta a'an jwal us, re xk'amb'al chaq li rahilal sa' xb'een laj Absalón.

Li Santil hu

¹⁴ Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

2 Samuel 17:14 ပူးပေါင်းရင်းမြစ်များ

2 Samuel 15:34

Ab'anan wi tatsutq'iiq sa' li tenamit ut taaye re laj Absalón naq a'anaq aj eechal aawe ut laa'ataq aj k'anjel chiru jo' naq xatk'anjelak junxil chiru li xyuwa', tatruhanq chintenq'ankil re xpo'b'al ru li yo chi xk'uub'ankil ru laj Ajitófel.

Isaías 8:10

Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Proverbios 19:21

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

2 Samuel 15:31

Kiyehe'k resil re laj David naq laj Ajitófel wank sa' xyanqeb' li neke'okenk chirix laj Absalón. Toja' naq laj David kixye: “At Qaawa', taapo' taxaq ru li xk'a'uxl laj Ajitófel!”.

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.

San Lucas 16:8

“Laj eechal junkab'lal kixnima ru li mertoom ink'a' tiik xch'ool, xb'aan naq kiwank xna'leb' rik'in li kixb'aanu. Xb'aan naq eb' li ralal xk'ajol li ruuchich'och' a'in q'axal wankeb' xna'leb' chirib'ileb' rib' chiruheb' li ralal xk'ajol li saqenk.

Lamentaciones 3:37

Maa'ani naru tixb'aanu li k'aru ak xyehom, wi li Qaawa' ink'a' xyehok re.

2 Samuel 16:23

Sa'eb' li kutan a'an, jun na'leb' k'eeb'il xb'aan laj Ajitófel nak'ule'k kama' a'an raatin li Yos. Laj David ut laj Absalón neke'xpaab' chixjunil li na'leb' k'eeb'il xb'aan laj Ajitófel.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Amós 9:3

Wi te'xmuq rib' sa' xjolom li tzuul Karmeel, toj toxinsik'eb' ajwi' chaq aran ut teb'inchap chaq; ut wi te'xmuq rib' chiwu sa' xchamal li palaw, tintaqla li xk'anti'il li ha' chi xtiwb'aleb'.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

2 Crónicas 25:20

Ab'an laj Amasías ink'a' kixpaab', xb'aan naq ak k'uub'k'u xb'aan li Yos xq'axtesinkileb' sa' ruq'eb' li xik' neke'ilok re, xmaak xloq'oninkil ru li xyoseb' laj Edom.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Deuteronomio 2:30

“A'ut laj Sijón, awab'ej re Jesbón, ink'a' kooxkanab' chi nume'k aran, xb'aan naq li Qaawa' laaYos ak xkawresi ut xjipob'resi li xch'ool re xq'axtesinkil sa' leeruq' jo' naq wank anaqwan.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

2 Crónicas 10:8

Ab'an laj Robohán ink'a' kixpaab' li raatineb' li cheekel winq, koho b'an chik chi patz'ok rik'ineb' li saaj al, rech ch'ajomaleb' ut aj k'anjeleb' chiru,

Nehemías 4:15

Naq eb' li xik' neke'ilok qe ke'rab'i resil naq kawal wanko ut li Yos kixpo' ru li k'aru k'uub'anb'il xb'aaneb', ke'elk aran ut chiqajunilo kooho wi' chik chi xyiib'ankil li suttz'ak.

Salmos 9:15

re naq tinpuktesi resil laawusilal sa' rokeb'aal li tenamit Jerusalén, ut tinninq'ehi naq laa'at xinaakol.

Josué 11:20

Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.

2 Crónicas 10:15

Li awab'ej ink'a' kiraj rab'inkil li xe'xtz'aama li tenamit, xb'aan naq ak k'uub'k'u chi jo'kan xb'aan li Qaawa' re naq taatz'aqloq ru li xyehom re laj Jerobohán, ralal laj Nebat, chi xtz'uumal re li propeet Ajías aj Siló.

Li xHu LAJ JOB 12:17

Li Yos naxpo' xna'leb'eb' laj k'ehol na'leb' ut naxmemob'resi eb' laj raqol aatin.