2 Samuel 16:22 - Q'eqchi Bible

²² Toja' naq ke'xk'e jun xmuheb'aal laj Absalón sa' xtaqeq'il li kab'l ut aran, chiruheb' chixjunileb' laj Israel, laj Absalón kiwank rik'ineb' li ixq li ke'wank rik'in li xyuwa'.

Li Santil hu

²² Ut queꞌxqꞌue jun lix muheba̱l laj Absalón saꞌ xbe̱n li rochoch laj David. Ut chiruheb chixjunileb laj Absalón co̱ chi cua̱nc riqꞌuineb li ixk li queꞌcuan riqꞌuin lix yucuaꞌ.

2 Samuel 16:22 ပူးပေါင်းရင်းမြစ်များ

2 Samuel 15:16

Toja' naq li awab'ej ki'elk chi oqej rochb'een chixjunil li xjunkab'al. Ka'ajwi' lajeeb' li ixq ke'kanaak chi rilb'al li rochoch.

2 Samuel 20:3

Naq laj David ki'ok sa' li rochoch aran Jerusalén, kixb'oqeb' li lajeeb' chi ixq li kixkanab'eb' chi ilok kab'l, ut kixk'eheb' chi k'aak'aleek. Kixch'oolaniheb', ab'an ink'a' chik kiwank rik'ineb': ke'wank chi tz'aptz'ookeb' toj sa' li xkamik, jo'keb' xmalka'an chiru chixjunil li xyu'ameb'.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Ezequiel 24:7

K'ajo' li kamsink x'uxmank aran! Li kik' xb'eek roq sa' xb'eeneb' li pek ut ink'a' xhoye'k chiru li ch'och'; a' raj li pojtz' xtz'ub'uk re li kik' a'an.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

2 Samuel 11:2

Sa' jun ewu naq kiwakliik chaq laj David sa' xwarib'aal ut yo chi b'eek sa' li xtaqeq'il li rochoch, toj aran taqe'q kiril chaq jun li ixq yo chi atink. K'ajo' xch'ina'usal li ixq a'an.

Números 25:6

Ab'an jun li winq aj Israel kixk'am chaq jun li ixq aj Madián ut kiroksi sa' li xmuheb'aal, chiru laj Moisés ut chiruheb' chixjunil li poyanam naq yookeb' chi yaab'ak sa' rokeb'aal li Loq'laj Muheb'aal.

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.