2 Samuel 15:23 - Q'eqchi Bible

²³ Japjookeb' re chi yaab'ak chixjunileb'. Li awab'ej kixaqliik chire li nima' Sedrón naq eb' li tenamit yookeb' chi nume'k chiru sa' xb'ehil li chaqich'och'.

Li Santil hu

²³ Chixjunileb li tenamit li yo̱queb chi iloc re queꞌya̱bac chi cau nak co̱ li rey David rochbeneb li cristian li yo̱queb chi ochbeni̱nc re. Chixjunileb queꞌnumeꞌ jun pacꞌal li haꞌ Cedrón, ut li rey quinumeꞌ ajcuiꞌ. Eb li tenamit queꞌco̱eb chi ubej nak yo̱queb chi xic saꞌ li chaki chꞌochꞌ.

2 Samuel 15:23 ပူးပေါင်းရင်းမြစ်များ

2 Samuel 16:2

Li awab'ej kixpatz' re laj Sibá: “K'a' aj e a'in?”, chan. Kichaq'ok laj Sibá: “Eb' li b'uur te'k'anjelaq re naq laajunkab'al taaxik chirixeb'. Eb' li wa ut li ru che', a'anaq xtzekemqeb' laj puub', ut li b'iin a'anaq ruk'a'eb' li te'lub'q sa' li chaqich'och'”, chan.

San Juan 18:1

Naq kiraqe'k chi xyeeb'al a'in, li Jesus kiq'axonk rochb'eeneb' li xtzolom junpak'al li ha' Sedrón xk'ab'a', b'arwi' wank jun siir li awimq; ut aran kox'okaq rochb'eeneb' li xtzolom.

1 Reyes 2:37

Ch'olch'o chawu naq sa' li kutan tatq'axonq wi' junpak'al li nima' Sedrón, tatkamq ut aamaakaq aawib'”.

Romanos 12:15

Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

San Lucas 1:80

Li k'uula'al yo chi k'iik ut chi kawuuk xch'ool; ut kiwank chaq sa' chaqich'och' toj kiwulak xq'ehil naq kixk'ut rib' chiruheb' laj Israel.

San Mateo 3:3

Li propeet Isaías ki'aatinak junxil chirix laj Jwan naq kixye chi jo'ka'in: “Xyaab' xkux li japjo re sa' li chaqich'och': «Tuqub'omaq li xb'e li Qaawa', tiikob'resihomaq li ruq' b'e chiru»”.

San Mateo 3:1

Sa'eb' li kutan a'an kox'okaq laj Jwan aj kub'sihomha' chi ch'olob'ank sa' li chaqich'och' wank Judea. A'an a'in li esil kixpuktesi:

2 Crónicas 29:16

Chirix chik a'an eb' laj tij ke'ok sa' rochoch li Yos re xch'ajob'resinkil li xsa' ut risinkil chirix kab'l chixjunil li moko xk'ulub' ta wank aran. Ut eb' laj Leví ke'xtuub' a'an ut ke'xk'am chire li nima' Sedrón.

1 Reyes 15:13

Kirisi ajwi' xwankil li xna' cho'q xna'eb' li tenamit, a' lix Mahaká, xb'aan naq kixyiib' jun xjalam u lix Aserá. Laj Asá kixputz'i li tz'i'b'eetalil a'an ut kixk'at chire li nima' Sedrón.

2 Samuel 15:22

Toja' naq laj David kixye re laj Itay: “Us, tatxik chiqix”, chan. Ut laj Itay aj Gat rochb'een chixjunileb' li winq ut eb' li poyanam koheb' chirix laj David.

2 Samuel 15:28

Laa'in tinkanaaq sa' xtaq'ahil li chaqich'och' toj reetal taawulaq eeresil laa'ex”, chan.

Jeremías 31:40

Chixjunil li ru taq'a b'arwi' neke'muqmank eb' li kamenaq ut natz'eqe'k wi' li cha, ut chixjunil li na'ajej li wank chire li nima' Sedrón toj sa' li Rokeb'aaleb' li kawaay li wank sa' xjayal releb'l saq'e, a'an q'axtesinb'ilaq cho'q re li Qaawa': maajoq'e chik taasachmanq chi moko taajuk'manq”.