2 Samuel 15:21 - Q'eqchi Bible

²¹ Kichaq'ok laj Itay: “At awab'ej, aj eechal we, sa' xk'ab'a' li yo'yookil Yos ut sa' xk'ab'a' laayu'am ninye aawe naq yalaq b'ar wanqat laa'at, aran ajwi' wanqin laa'in aj k'anjel chawu, a' yaal ma yo'yooqat malaj tatkamq aawochb'eenaqin laa'in”, chan.

Li Santil hu

²¹ Abanan laj Itai quixye re laj David: —At rey, saꞌ xcꞌabaꞌ li Ka̱cuaꞌ, ut saꞌ a̱cꞌabaꞌ ajcuiꞌ la̱at, la̱in ninye a̱cue nak tinxic cha̱cuix yalak bar, usta yoꞌyo̱kin malaj ut tincamsi̱k, chan.

2 Samuel 15:21 ပူးပေါင်းရင်းမြစ်များ

Proverbios 17:17

Li tz'aqal amiiw junelik narahok; sa' xq'ehil junaq rahilal tatxtenq'a jo' junaq tz'aqal asb'ej.

2 Reyes 4:30

Ab'anan li xna' li ch'ina'al kixye re laj Eliseo: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab'”. Toja' naq laj Eliseo kixaqliik ut koho chirix li ixq.

2 Corintios 7:3

Ink'a' yookin chi xyeeb'al a'in re eewech'b'al; ak xinye eere naq junelik wankex sa' qach'ool: qochb'eenaqex wi naqak'ul li kamk malaj ut yo'yooqo.

Hechos 21:13

Toja' naq kichaq'ok laj Pablo: —K'a'ut naq yookex chi yaab'ak ut chi xk'eeb'al xrahil inch'ool? Relik chi yaal naq yo'oon wankin moko ka'aj ta wi' chi b'ak'e'k, chi kamk aj b'an wi' aran Jerusalén sa' xk'ab'a' li Qaawa' Jesus, chan.

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

Proverbios 18:24

Wankeb' amiiw nokoohe'xk'am sa' raaxiik'; ab'an wankeb' li q'axal nokoohe'xra ut jwal paab'ajeleb' chiru junaq asb'ej.

2 Reyes 2:6

Chirix chik a'an laj Elías kixye: “Eliseo, kanaaqat arin, xb'aan naq li Qaawa' xinxtaqla sa' li nima' Jordán”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes!”, chan. Ut koheb' chi xkab'ichaleb'.

2 Reyes 2:4

Chirix chik a'an laj Elías kixye: “Eliseo, kanaaqat arin, xb'aan naq li Qaawa' xinxtaqla Jerikó”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes”, chan. Ut chi xkab'ichaleb' koheb' Jerikó.

2 Reyes 2:2

Ut laj Elías kixye re laj Eliseo: “Kanaaqat arin xb'aan naq li Qaawa' xinxtaqla aran Betel”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes”, chan. Ut chi xkab'ichaleb' koheb' Betel.

1 Samuel 25:26

Ab'anan anaqwan, wa'chin, sa' xk'ab'a' li yo'yookil Yos ut laayu'am, sa' xk'ab'a' li Qaawa' li xramok chawu xkamsinkileb' li poyanam a'in jo'wi' xraqb'al aatin aajunes aawib', jo'qeb' laj Nabal chixjunileb' li xik' neke'ilok aawe jo'wi' li te'raj xb'aanunkil rahilal aawe.

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

2 Samuel 15:22

Toja' naq laj David kixye re laj Itay: “Us, tatxik chiqix”, chan. Ut laj Itay aj Gat rochb'een chixjunileb' li winq ut eb' li poyanam koheb' chirix laj David.