2 Samuel 15:16 - Q'eqchi Bible

¹⁶ Toja' naq li awab'ej ki'elk chi oqej rochb'een chixjunil li xjunkab'al. Ka'ajwi' lajeeb' li ixq ke'kanaak chi rilb'al li rochoch.

Li Santil hu

¹⁶ Joꞌcan nak li rey David qui-el aran rochbeneb chixjunileb li cuanqueb saꞌ li rochoch. Quixcanab laje̱b li ixk li nequeꞌcuan riqꞌuin re teꞌxcꞌacꞌale li rochoch.

2 Samuel 15:16 ပူးပေါင်းရင်းမြစ်များ

Salmos 3:1

Xsaalm laj David. Naq yo chi elelik chiru laj Absalón, li ralal.

2 Samuel 20:3

Naq laj David ki'ok sa' li rochoch aran Jerusalén, kixb'oqeb' li lajeeb' chi ixq li kixkanab'eb' chi ilok kab'l, ut kixk'eheb' chi k'aak'aleek. Kixch'oolaniheb', ab'an ink'a' chik kiwank rik'ineb': ke'wank chi tz'aptz'ookeb' toj sa' li xkamik, jo'keb' xmalka'an chiru chixjunil li xyu'ameb'.

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

2 Samuel 12:11

Laa'in li Qaawa' ninye aawe naq sa' ajwi' laajunkab'al taatiklaaq chaq li rahilal sa' aab'een. Tinmaq'eb' laawixaqil chawu ut tinq'axtesiheb' re jalan chik re naq taawanq rik'ineb' chiruheb' chixjunil li tenamit.

1 Samuel 25:42

Tikto kixaqliik, kitaqe'k chirix li xb'uur ut, rochb'een oob' chi xmoos ixq, koho chirixeb' li xtaql laj David, ut kikanaak cho'q rixaqil.

1 Samuel 25:27

Chak'ul laamaatan li xink'am chaq ut chajek'i reheb' li saaj winq li neke'ochb'eenink aawe.

Jueces 4:10

Aran laj Barak kixch'utub'eb' laj Sabulón ut laj Neftalí. Lajeeb' mil chi winq koheb' chirix. Koho ajwi' lix Débora.

2 Samuel 15:15

Eb' laj k'anjel ke'xsume laj David: “At awab'ej, chixjunil li taaye laa'at, laa'o tqab'aanu”, chankeb'.

2 Samuel 15:17

Koho li awab'ej jo'wi' chixjunileb' li wankeb' rochb'een ut ke'xaqliik sa' xmaril li tenamit.

2 Samuel 12:2

Li b'ihom naab'aleb' li xkarneer ut li xb'ooyx,

2 Samuel 19:10

Ab'anan laj Absalón li xqayul laa'o cho'q qa'awab'ej, xkamsiik chaq sa' li yalok. Jo'kan naq k'a'ut naq maak'a' naqab'aanu re xsutq'isinkil li awab'ej David?”.