2 Samuel 15:12 - Q'eqchi Bible

¹² Naq laj Absalón yo chi mayejak, kixtaqla ajwi' xb'oqb'al laj Ajitófel aj Kilón, laj k'ehol xna'leb' laj David, sa' li tenamit wan wi' a'an. Chi jo'kan yookeb' chi tamk li neke'okenk chirix laj Absalón ut neke'raj xjuk'b'al xwankil laj David.

Li Santil hu

¹² Nak laj Absalón yo̱ chi mayejac, quixtakla ajcuiꞌ xbokbal laj Ahitofel saꞌ li tenamit Gilo. Laj Ahitofel, aꞌan xcomoneb li nequeꞌqꞌuehoc xnaꞌleb li rey David. Chi joꞌcan yo̱queb chi ta̱mc li nequeꞌta̱ken re laj Absalón ut yo̱queb chi cacuu̱c xchꞌo̱leb riqꞌuin li yo̱queb chixba̱nunquil.

2 Samuel 15:12 ပူးပေါင်းရင်းမြစ်များ

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

2 Samuel 15:31

Kiyehe'k resil re laj David naq laj Ajitófel wank sa' xyanqeb' li neke'okenk chirix laj Absalón. Toja' naq laj David kixye: “At Qaawa', taapo' taxaq ru li xk'a'uxl laj Ajitófel!”.

Josué 15:51

Gosen, Jolón ut Kiló. Naraj naxye, junlaju chi tenamit rochb'eeneb' xk'aleb'aaleb'.

2 Samuel 17:23

Naq laj Ajitófel kixk'e reetal naq laj Absalón ink'a' kixk'ulub'an li xyehom, kixyiib' rix li xb'uur ut koho sa' rochoch sa' li xtenamit. Aran kixchaq'rab'i li xjunkab'al ut kixyatz' rib'. Jo'ka'in naq kikamk, ut ke'xmuq sa' li na'ajej kimuqe'k wi' li xyuwa'.

2 Samuel 17:14

Toja' naq laj Absalón ut chixjunileb' laj Israel ke'xye: “Q'axal us li na'leb' xk'e laj Jusay aj Arkí chiru li xk'e laj Ajitófel”, chankeb'. A' li Qaawa' ki'ajok xpo'b'al ru li xk'uub'ahom laj Ajitófel, us ta a'an jwal us, re xk'amb'al chaq li rahilal sa' xb'een laj Absalón.

Tito 1:16

Neke'xye naq neke'xnaw ru li Yos, ut rik'in li xb'aanuhomeb' neke'xk'ut naq ink'a'; tz'i'b'eetaleb' ru, aj q'etol aatineb', ut maak'a' junaq chaab'il k'anjel truuq te'xb'aanu.

San Juan 13:18

“Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

1 Crónicas 27:33

Jo'kan ajwi' laj Ajitófel, a'an aj k'ehol na'leb' re li awab'ej; ut laj Jusay, Arkí xtenamit, a'an ramiiw li awab'ej.

1 Reyes 21:12

Ke'xye resil li kuyuk sa' ut ke'xchunub' laj Nabot chiruheb' li tenamit.

1 Reyes 21:9

Sa'eb' li hu kixtz'iib'a a'in: “Yehomaq resil naq taawanq kuyuk sa'. Chirix a'an teechunub' laj Nabot chiruheb' li tenamit.

Números 23:30

Laj Balak kixb'aanu li kiyehe'k re xb'aan laj Balak, ut kixyeechi'i jun saaj wakax ut jun karneer cho'q xk'atb'il mayej sa' li junjunq chi artal.

Números 23:14

Ut kixk'am laj Balaham sa' li na'ajej Sofim, sa' xb'een li tzuul Piská. Aran kixyiib' wuqub' chi artal, ut kixmayeja jun li saaj wakax ut jun li karneer sa' li junjunq chi artal.

Números 23:1

Toja' naq laj Balaham kixye re laj Balak: “Yiib' wuqub' chi artal arin ut kawresi chaq wuqub' saaj wakax ut wuqub'eb' li karneer”, chan.

2 Samuel 16:15

Okenaqeb' chik Jerusalén laj Absalón ut chixjunileb' laj Israel. Laj Ajitófel ajwi' wank rochb'eeneb'.

2 Samuel 23:34

laj Elifélet, ralal laj Ajasbay, Bet-Mahaká li xtenamit; laj Elián, ralal laj Ajitófel, Kiló li xtenamit;

Salmos 41:10

A' ajwi' li wamiiw, li kaw inch'ool chirix, li nawa'ok linwa, xtaqsi li roq sa' inb'een.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.