2 Samuel 15:1 - Q'eqchi Bible

¹ Moqon chik laj Absalón kiwank jun xb'eleb'aal ch'iich' kelonb'il xb'aaneb' xkawaay ut k'aak'alenb'il xb'aaneb' lajeeb' roxk'aal (50) chi winq.

Li Santil hu

¹ Mokon chic laj Absalón quicuan jun lix carruaje quelonbil xbaneb lix cacua̱y. Ut cuanqueb ajcuiꞌ mero ciento (50) li cui̱nk li queꞌoquen chirix.

2 Samuel 15:1 ပူးပေါင်းရင်းမြစ်များ

1 Reyes 1:5

Toja' naq laj Adonías, xyum lix Jakit, kixq'etq'eti rib' ut kixye: “Laa'in tinkanaaq cho'q awab'ej”, chan. Jo'kan naq kixsik' xb'eleb'aal ch'iich', xkawaay ut lajeeb' roxk'aal chi winq li te'ochb'eeninq re.

Salmos 20:7

Anaqwan ninnaw naq li Qaawa' tixtenq'a li sik'b'il ru xb'aan; toj sa' li xloq'laj choxa tixsume chaq rik'in li xninqal ru xb'aanuhom li xnim uq'.

2 Samuel 12:11

Laa'in li Qaawa' ninye aawe naq sa' ajwi' laajunkab'al taatiklaaq chaq li rahilal sa' aab'een. Tinmaq'eb' laawixaqil chawu ut tinq'axtesiheb' re jalan chik re naq taawanq rik'ineb' chiruheb' chixjunil li tenamit.

1 Samuel 8:11

Kixye reheb': “Jo'ka'in tixb'aanu li awab'ej li taataqlanq sa' eeb'een. Tixb'oqeb' leeralal ut wankeb' li tixxaqab' chi rilb'aleb' li xb'eleb'aal ch'iich' ut li xkawaay, ut wankeb' chik tento te'aanilaq chiru li xb'eleb'aal ch'iich'.

Proverbios 17:19

Li nawulak chiru li wech'ij ib', naxra li maak; li naxnimob'resi rib' naxsik' xrahilal xjunes rib'.

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

Proverbios 11:2

Li q'etq'etil nak'ehok sa' xutaan; li ani naxkub'si rib', a'an wank xna'leb'.

1 Reyes 1:33

kiyehe'k reheb': “K'amomaqeb' cherix eb' laj k'anjel chiwu laa'in li awab'ej. Taqsihomaq laj Salomón li walal chirix linmuul ut kub'enqex sa' li na'ajej Kijón xk'ab'a',

Deuteronomio 17:16

Ab'anan li awab'ej a'an ink'a' tixloq' naab'aleb' li xkawaay, chi moko tixtaqlaheb' li rech tenamitul aran Ejiipt re xk'ihob'resinkileb' li xkawaay, xb'aan naq li Qaawa' ak xyehom eere: «Maajun wa chik texsutq'iiq sa' li b'e a'in», chan.