2 Samuel 14:25 - Q'eqchi Bible

²⁵ Aran Israel maajun winq chaq'al ru jo' laj Absalón; chixjunileb' neke'xk'e xloq'al xb'aan naq maak'a' reek' chalen chi roq toj sa' xsuutut.

Li Santil hu

²⁵ Ma̱ jun chic cui̱nk cuan Israel joꞌ laj Absalón. Tzꞌakal re ru lix tibel. Ma̱cꞌaꞌ xpaltil. Xban nak cꞌajoꞌ xchakꞌal ru, chixjunileb nequeꞌxqꞌue xlokꞌal.

2 Samuel 14:25 ပူးပေါင်းရင်းမြစ်များ

Isaías 1:6

Chalen cheroq toj chejolom maak'a' chik eerusil: sak'b'ilkex, raxteninkex ut tiq'b'ilex, ut maajun nab'anok eere chi moko naxb'at leetiq'ilal; tik maajun nayalok xkotzb'al b'ayaq leerahilal.

Li xHu LAJ JOB 2:7

Chirix a'an laj tza ki'elk rik'in li Qaawa', ut kixrahob'tesi laj Job rik'in yib' aj sankil xox sa' chixjunil li xjunxaqalil.

Deuteronomio 28:35

Li Qaawa' tatxrahob'tesi rik'in xox li naxwa' li tib'elej, sa' xb'een aawaq ut chiru laawa', chalen xtiklaak chaq sa' laawoq toj sa' xsuutut laajolom, ut ink'a' tatk'iraaq.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

San Mateo 23:27

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex, xb'aan naq chanchanex li muqleb'aal kamenaq chuninbil: ch'ina'us rilb'aleb' li rix, ab'an chisa' nujenaqeb' chi xb'aqel kamenaq ut chixjunil li k'a'aq re ru chi tz'ajnil!

Proverbios 31:30

Li chaab'ilal nab'alaq'ik ut li ch'ina'usal yal nanume'k; ab'an li ixq li naroxloq'i li Qaawa', a'an xk'ulub' xk'eeb'al xloq'al.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

1 Samuel 9:2

Wan chaq jun ralal, aj Saúl xk'ab'a', toj saaj ut k'ajo' xchaq'al ru. A'an li q'axal ch'ina'us ut najt roq sa' xyanqeb' chixjunileb' laj Israel.

Daniel 1:4

Eb' li ch'ajom a'an tento naq kawaqeb', chaab'ilaq rilb'aleb', seeb'aq xch'ooleb' ut wanqeb' xnawom, tzolb'ilaqeb' chi us ut kawal wanqeb' chi k'anjelak sa' rochoch li awab'ej, re naq te'xtzol li aatinak ut li tz'iib'ak sa' raatinob'aaleb' laj Kaldeha.

1 Reyes 1:6

Li xyuwa' maajun wa kixch'i'ch'i'i rik'in xyeeb'al re: “K'a'ut naq jo'kan nakab'aanu?”. Laj Adonías ch'ina'us rilb'al ut toj iitz'inb'ej chiru laj Absalón.

Ezequiel 23:15

chixjunileb' a'an junes xninqaleb' ru winq, xb'aan naq wankatqeb' xk'aamal xsa'eb' ut neke'xb'ak' li xjolomeb' chi ninqi t'ikr jo' neke'xb'aanu eb' laj Babilonia.