2 Samuel 14:18 - Q'eqchi Bible

¹⁸ Kichaq'ok li awab'ej ut kixye re li ixq: “Mik'a' aamuq chiwu chirix li k'aru tinpatz' aawe”. “Aatinan, at awab'ej, aj eechal we”, chan li ixq.

Li Santil hu

¹⁸ Li rey David quixye re li ixk: —Nacuaj patzꞌoc a̱cue ut nacuaj nak ta̱sume chi tzꞌakal li cꞌaꞌru tinpatzꞌ a̱cue, chan. Ut li ixk quixye: —Us. Patzꞌ li cꞌaꞌru ta̱cuaj, chan.

2 Samuel 14:18 ပူးပေါင်းရင်းမြစ်များ

Jeremías 38:25

Wi eb' li xjolomileb' li tenamit te'xnaw naq xin'aatinak aawik'in ut tole'xpatz' aawe: «Ch'olob' chiqu k'aru xaye re li awab'ej, chi maajun aatin taamuq chiqu. Ye ajwi' qe k'aru xatraatina wi' li awab'ej. Chi jo'kan ink'a' tatqakamsi», cha'qeb',

Jeremías 38:14

Chirix chik a'an laj Sedesías, li awab'ej, kixtaqla xb'oqb'al laj Jeremías, li propeet, re taa'aatinaq rik'in sa' li rox okeb'aal re li rochoch li Qaawa'; ut aran kixye re: “Wank k'aru tinpatz' aawe, ut nintz'aama chawu naq mik'a' aamuq chiwu”, chan re.

2 Samuel 14:17

Laa'in aj k'anjel chawu, ut yookin chi royb'eninkil naq laawaatin tixk'ojob' linch'ool, xb'aan naq laa'at, awab'ej, chanchanat jun x'ánjel li Yos: nakanaw xk'eeb'al reetal li us ut li ink'a' us. A' taxaq li Qaawa' Yos chiwanq aawik'in”.

2 Samuel 14:19

Toja' naq li awab'ej kixpatz': “Ma maawa' laj Johab xk'uub'ank re chixjunil a'in?”. Kichaq'ok li ixq: “At awab'ej, sa' aak'ab'a' laa'at ninye li waatin naq tz'aqal yaal li k'aru xaye. Laj Johab aj k'anjel chawu xtaqlank chaq we, ut a'an ajwi' xyehok we li k'aru xinnumsi chawu.