2 Samuel 14:17 - Q'eqchi Bible

¹⁷ Laa'in aj k'anjel chawu, ut yookin chi royb'eninkil naq laawaatin tixk'ojob' linch'ool, xb'aan naq laa'at, awab'ej, chanchanat jun x'ánjel li Yos: nakanaw xk'eeb'al reetal li us ut li ink'a' us. A' taxaq li Qaawa' Yos chiwanq aawik'in”.

Li Santil hu

¹⁷ La̱in ninnau nak li cꞌaꞌru tina̱sume cuiꞌ tixcꞌojob inchꞌo̱l. La̱at chanchanat lix ángel li Ka̱cuaꞌ. Nacanau xqꞌuebal retal cꞌaꞌru li us ut cꞌaꞌru li incꞌaꞌ us. Aꞌ taxak li Ka̱cuaꞌ la̱ Dios chicua̱nk a̱cuiqꞌuin, chan li ixk.

2 Samuel 14:17 ပူးပေါင်းရင်းမြစ်များ

2 Samuel 19:27

A'ut a'an xyoob' aatin chiwix chawu laa'at li awab'ej, laj eechal we. Ab'anan laa'at chanchanat jun x'ánjel li Yos ut ninnaw naq taab'aanu li k'aru us cho'q aawe.

1 Samuel 29:9

Ut laj Akis kixye re: “Ninnaw chi us naq chaab'ilat jo' jun x'ánjel li Yos. Ab'anan eb' li xjolomileb' laj Filistea xe'xye naq ink'a' truuq tatxik chirixeb' chi yalok.

2 Samuel 14:20

Re roksinkil li na'leb' a'in chi muqmu naq xb'aanu chi jo'kan. Ab'anan laj eechal we wank xna'leb' jo' jun x'ánjel li Yos ut naxnaw chixjunil li nak'ulmank sa' ruuchich'och'”.

1 Reyes 3:9

Nintz'aama b'i' chawu naq taak'e taxaq inna'leb' re xb'eresinkil laatenamit ut re xnawb'al b'ar wank li us ut li ink'a' us. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

Hebreos 5:14

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

Proverbios 29:5

Li junelik na'aatinak chi chaab'il chirix li ramiiw, relik chi yaal naq yo xk'eeb'al jun ra'al re taat'ane'q chisa'.

Proverbios 27:21

Li oor ut li plaat neke'ch'ajob'resiik sa' li xam; ut li winq nak'utunk rik'in li xloq'al nak'eemank.

Li xHu LAJ JOB 6:30

Ink'a' xintik'ti'ik. Ma nekek'oxla naq ink'a' nink'e reetal b'ar wank li yaal ut li tik'ti'ik?

1 Reyes 3:28

Naq chixjunileb' laj Israel ke'rab'i li raqok aatin kixb'aanu li awab'ej, chixjunileb' ke'xxiwa ru laj Salomón, xb'aan naq ke'xk'e reetal naq relik chi yaal wank xchoxahil na'leb' chi raqok aatin.

2 Samuel 14:18

Kichaq'ok li awab'ej ut kixye re li ixq: “Mik'a' aamuq chiwu chirix li k'aru tinpatz' aawe”. “Aatinan, at awab'ej, aj eechal we”, chan li ixq.

Josué 1:17

Jo' naq koo'ab'ink chiru laj Moisés, too'ab'inq ajwi' chawu laa'at sa' chixjunil. Ka'ajwi' a'in naqatz'aama: naq wanq li Qaawa' aawik'in jo' naq kiwank rik'in laj Moisés.

2 Samuel 19:28

Us ta chixjunil li xjunkab'al linyuwa' xk'ulub' kamsiik aab'aan, laa'at xinaak'ul sa' xyanqeb' li neke'tzekank aawochb'een. Moko ink'ulub' ta naq tintz'aama junaq chik usilal chawu”.