2 Samuel 13:18 - Q'eqchi Bible

¹⁸ Laj k'anjel kirisi lix Tamar chirix kab'l ut kixtz'ap li okeb'aal. Li ixqa'al wank jun xchaab'il jut-aq' chirix, ninqi ruq', xkomon li neke'raq'un li xrab'ineb' li awab'ej junxil, naq toj tuq'ixqeb'.

Li Santil hu

¹⁸ Li mo̱s quirisi chirix cab ut quixtzꞌap chi us li puerta. Lix Tamar cuan jun lix cha̱bil akꞌ chirix xcomon li nequeꞌrocsi eb lix rabin li rey, li toj ma̱jiꞌ cuanjenakeb cui̱nk riqꞌuin.

2 Samuel 13:18 ပူးပေါင်းရင်းမြစ်များ

Jueces 5:30

«Ch'olch'o ru naq yookeb' chaq chi xjek'inkil li reechanihom chirib'ileb' rib': jun malaj wiib' chi ixq cho'q re li junjunq aj puub'; chaab'il t'ikr yo chaq chi xk'ulb'al laj q'axonel u», chan.

Génesis 37:3

Laj Jakob q'axal naxra laj José chiruheb' chixjunil li ralal, xb'aan naq a'in kiyo'laak sa' xtiixilal. Jo'kan naq kixyiib' jun xjut-aq', ninq ruq'.

Génesis 37:32

Chirix a'an ke'xtaqla li jut-aq' ninq ruq', koxe'xk'ut chiru li xyuwa'eb' ut ke'xye: “Xqataw chaq a'in: il, ma a'an tawi' li xjut-aq' laawalal malaj ut ink'a'”.

Génesis 37:23

Naq laj José kiwulak wankeb' wi' li ras, eb' a'in ke'risi li xjut-aq' (a' li xjut-aq' ninq ruq' li wank chirix),

Jueces 3:23

Chirix chik a'an laj Ehud ki'elelik: kixtz'ap li okeb'aal, kixk'e sa' laaw ut kinume'k sa' li numleb'aal.

2 Samuel 13:17

Kixb'oq laj k'anjel chiru ut kixye re: “Isi li ixq a'in arin ut tz'ap li okeb'aal chirix”.