2 Samuel 10:12 - Q'eqchi Bible

¹² Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

Li Santil hu

¹² Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

2 Samuel 10:12 ပူးပေါင်းရင်းမြစ်များ

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

1 Samuel 3:18

Toja' naq laj Samuel kixseeraq'i re chixjunil chi maak'a' kixmuq, ut laj Elí kixye: “A'an li Qaawa'. Chixb'aanuuq li k'aru us chiru”.

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.

1 Samuel 4:9

Kawaq eech'ool, ex aj Filistea, ut yalomaq chi kaw, re naq ink'a' texkanaaq rub'el xwankileb' laj Hebreo, jo' naq ke'wank eb' a'an rub'el qawankil laa'o. Winqaqex ut yalomaq!”.

Jueces 10:15

Toja' naq eb' laj Israel ke'xsume li Qaawa': “At Qaawa', xoomaakob'k, b'aanu qe li k'aru taawaj. Ab'anan chakuy qamaak, choohaakol anaqwan!”, chankeb'.

1 Crónicas 19:13

Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

Li xHu LAJ JOB 1:21

ut kixye: “Chi t'ust'u xin'elk chaq rik'in linna' ut kama'an ajwi' naq tinsutq'iiq aran. Li Qaawa' xk'ehok ut li Qaawa' xmaq'ok chiwu. Usilaatinanb'il taxaq xk'ab'a' li Qaawa'!”.

1 Samuel 17:32

Toja' naq laj David kixye re laj Saúl: “Maa'ani chich'inanq xch'ool xb'aan laj Filistea a'an. Laa'in, aj k'anjel chawu, tinxik chi yalok rik'in a'an”.

1 Samuel 14:12

Tikto ke'xjap reheb' chi xyeeb'al re laj Jonatán ut laj tenq' re: “Kimqex qik'in. Wank k'aru tqaye eere”. Toja' naq laj Jonatán kixye re laj tenq' re: “Taaqehin, xb'aan naq li Qaawa' ak xq'axtesiheb' sa' ruq'eb' laj Israel”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Josué 1:18

Yalaq ani taaq'etoq re laawaatin ut ink'a' tixpaab' laataqlahom sa' chixjunil, taakamsiiq. Li k'aru naqaj laa'o a'an a'in: naq kawaq aach'ool ut kaw xaqxooqat sa' laak'anjel”, chankeb'.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Números 13:20

Jo'kan ajwi' li ch'och', ma chaab'il malaj joxk' ru, ma k'iche' ru malaj ink'a'. Mexxiwak ut chek'am chaq kach'inaq ru rawimq li na'ajej a'an”, chan. Ak xq'ehil chik li xb'een ch'oqok ru li uub',

2 Crónicas 32:7

“Kawaq eerib' ut chiwanq xkawub' eech'ool! Mexxiwak ut meexib'e eerib' chiru li awab'ej re Asiria, chi moko chiruheb' li k'iila o'q'ob' chi aj puub' rochb'een chaq, xb'aan naq li ani qochb'een laa'o, q'axal kaw rib' chiru li wan chaq rochb'een laj Senakerib.

Hebreos 11:33

Sa' xk'ab'a' li paab'aal eb' a'an ke'reechani xninqal ru tenamit, ke'xb'aanu li tiikilal, koxe'xtaw li xyeechi'om li Yos, ke'xtz'apatq xsa' reheb' li kaqkoj,

2 Samuel 10:11

Ut kixye re li riitz'in: “Wi taawil naq ink'a' tinkuy xsumenkileb' laj Aram, tulinaatenq'a; ut wi laa'at ink'a' taakuy xsumenkileb' laj Amón, laa'in tinxik chatenq'ankil.

Deuteronomio 31:7

Chirix chik a'an laj Moisés kixb'oq laj Josué ut kixye re chiruheb' chixjunil laj Israel: “Kawaq aach'ool ut matxiwak! Laa'at tat-ok, aawochb'eeneb' li tenamit a'in, sa' li ch'och' kixyeechi'i xk'eeb'al li Qaawa' reheb' leena' leeyuwa', ut laa'at taaq'axtesi reheb' re naq te'ok chisa'.

2 Samuel 15:26

Ab'an wi ink'a' sa sa' xch'ool wik'in, chixb'aanuuq we jo' naraj A'an”, chan.

Nehemías 4:8

ut ke'xk'amchi'i rib' sa' junajil re naq junchalikaqeb' chi yalok rik'in Jerusalén ut xpoqoqinkil li tenamit.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.