2 Samuel 1:21 - Q'eqchi Bible

²¹ Ex tzuul re Jelbohé, mit'ane'k chik hab' chi moko k'ajob' sa' eeb'een, xb'aan naq laa'ex ch'och' b'arwi' maak'a' li usilal. Aran xe'sache'k xwankil eb' li xkoleb' ch'iich' li kaweb' rib', aran xsache'k xloq'al li xkoleb' ch'iich' laj Saúl.

Li Santil hu

²¹ La̱ex li tzu̱l li cuanquex Gilboa, incꞌaꞌ ta chic chitꞌanekꞌ li hab saꞌ e̱be̱n, chi moco li xchuꞌque. Ut incꞌaꞌ ta chic chie̱lk li acui̱mk chiru li chꞌochꞌ xban nak saꞌ e̱be̱n la̱ex xeꞌsacheꞌ xcuanquileb lix chꞌi̱chꞌeb li cauheb rib chi pletic. Ut saꞌ e̱be̱n ajcuiꞌ la̱ex quisacheꞌ xcuanquil lix chꞌi̱chꞌ laj Saúl. Chanchan ta li incꞌaꞌ sicꞌbil ru xban li Dios.

2 Samuel 1:21 ပူးပေါင်းရင်းမြစ်များ

1 Samuel 31:1

Sa' li tzuul Jelbohé eb' laj Filistea ke'ok chi yalok rik'ineb' laj Israel, ut eb' a'in ke'elelik chiruheb' ut naab'aleb' ke'kamsiik.

Isaías 21:5

Ak xkawresiik li tzekemq, ak xhelmank li t'ikr chiru li meex, ak yo li wa'ak ut li uk'ak. Xaqlinqex chi yalok, ex aj jolominel, ut ji'omaq ru li ch'iich' nekekol wi' eerib'!

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Joel 1:9

Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Ezequiel 31:15

«Laa'in, li Qaawa', ninye chi jo'ka'in: Sa' li kutan taa'oso'q wi' li che' a'an, tink'e ajwi' chi chaqik li palaw; tinrameb' li ha' ut li roqeb' li nima'. Ut sa' xk'ab'a' a'an tinrahob'tesi xch'ool li tzuul Líbano ut te'tz'umaaq chixjunileb' li che' wankeb' chiru tzuultaq'a.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

1 Crónicas 10:8

Sa' li kutan jun chik ke'chalk eb' laj Filistea chi xxokb'al li k'aru reheb' li kamenaq, ut ke'xtaw laj Saúl ut roxichaleb' li ralal jiljookeb' sa' li tzuul Jelbohé.

1 Crónicas 10:1

Sa' li tzuul Jelbohé eb' laj Filistea ke'ok chi yalok rik'ineb' laj Israel, ut eb' a'in ke'elelik chiruheb' ut naab'aleb' ke'kamsiik.

Jueces 5:23

Majewahomaq Merós, chan li x'ánjel li Qaawa'; majewahomaq, majewahomaq li wankeb' aran, xb'aan naq ink'a' ke'chalk re xtenq'ankil li Qaawa', re xtenq'ankil li Qaawa' jo' neke'xb'aanu li kaweb' rib'.

Cantares 4:4

Laakux chanchan wi' li xnajt teramil ochoch laj David, kab'lanb'il rik'in tuqub'anb'il ru pek, b'arwi' t'uyt'uukeb' jun mil chi koleb' ch'iich', a'aneb' xkoleb' eb' li jwal kaweb' rib'.

1 Samuel 31:8

Sa' li kutan jun chik ke'chalk eb' laj Filistea chi xxokb'al li k'aru reheb' li kamenaq, ut ke'xtaw laj Saúl ut roxichaleb' li ralal jiljookeb' sa' li tzuul Jelbohé.