2 Samuel 1:2 - Q'eqchi Bible

² Sa' rox li kutan kiwulak sa' xmuheb'aaleb' laj puub' re laj Saúl jun li winq kok' q'ich li raq' ut nujenaq chi pojtz' sa' xjolom. Naq kiwulak wan wi' laj David kiwiq'laak ut kixhupub' rib' chiru ch'och'.

Li Santil hu

² Saꞌ rox li cutan quicuulac jun li sa̱j cui̱nk riqꞌuin laj David. Li cui̱nk aꞌan xcomoneb lix soldados laj Saúl. Pejel li rakꞌ ut cuan li poks saꞌ xjolom retalil lix rahil xchꞌo̱l. Quixcuikꞌib rib saꞌ chꞌochꞌ re xqꞌuebal xlokꞌal laj David.

2 Samuel 1:2 ပူးပေါင်းရင်းမြစ်များ

1 Samuel 4:12

Ab'an jun li winq aj Benjamín ki'elelik chiruheb' laj Filistea, koho sa' aanil, ut sa' ajwi' li kutan a'an kiwulak Siló, kok' q'ich li raq' ut nujenaq chi pojtz' sa' xjolom.

2 Samuel 4:10

Aran Siklak naq jun li winq xye we resil li xkamik laj Saúl (ut sa' xch'ool a'an naq chaab'il esil tixye we), laa'in xinchap ut xink'e chi kamk jo' reeqaj li esilal xye we.

1 Samuel 25:23

Ka'ajwi' kiril laj David, lix Abigahil kixseeb'a rib' chi kub'eek chirix li xb'uur, kixkut rib' chi roq,

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

San Mateo 16:21

Chalen utan li Jesus kixtikib' xk'utb'al chiruheb' li xtzolom naq tento taaxik Jerusalén ut naab'al li rahilal tixk'ul sa' ruq'eb' li cheekel winq, li xb'eenileb' aj tij ut eb' laj tz'iib'; kixye ajwi' naq taakamsiiq ut taawakliiq chi yo'yo sa' rox li kutan.

San Mateo 12:40

Jo' naq kiwank chaq laj Jonás sa' xsa' li nimla kar oxib' kutan ut oxib' q'oqyink, jo'kan ajwi' taawanq li K'ajolb'ej sa' xch'ool li ch'och' oxib' kutan ut oxib' q'oqyink.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Oseas 6:2

Sa' wiib' kutan tixk'e wi' chik qayu'am, ut sa' rox li kutan tooxwaklesi wi' chik re naq wanqo rik'in.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Ester 5:1

Oxib' kutan chik chirix a'an, lix Ester kixtiqib' wi' chik rib' rik'in raq'ul li xwankilal. Koxnume'q sa' chixjunileb' li okeb'aal, toj reetal kiwulak wan wi' li awab'ej. K'ojk'o li awab'ej sa' li xk'ojarib'aal

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

2 Samuel 15:32

Naq laj David kiwulak sa' xb'een li tzuul neke'xloq'oni wi' li Yos, kichalk laj Jusay aj Arkí chi xk'ulb'al, pejel li raq' ut wank pojtz' sa' xjolom.

2 Samuel 14:4

Li ixq aj Tékoha koxk'ut rib' chiru li awab'ej, kiwiq'laak ut kixhupub' rib' chiru ch'och': “At awab'ej, chinaatenq'a!”, chan.

1 Samuel 20:41

Naq ak xkoho li al, ki'elk chaq laj David chi xk'atq li jun tuub' chi pek, kixhupub' rib' chiru ch'och' ut ox sut kixk'utzub' rib'. Chirix a'an ke'xq'alu rib' xkab'ichaleb' laj David ut laj Jonatán, ut k'ajo' naq ke'yaab'ak.

Génesis 43:28

Ke'chaq'ok eb' a'an: “Kaw laj k'anjel chawu, li qayuwa', ut toj yo'yo”, chankeb'. Ut ke'xwiq'ib' rib' chiru.

Génesis 37:34

Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Génesis 37:29

Naq kisutq'iik chaq laj Rubén ut kiril naq maa'ani chik laj José sa' li kumb', kixq'ich li raq'

Génesis 22:4

Sa' rox li kutan laj Abrahán kixtaqsi li rilob'aal ut kiril li na'ajej chi toj najt.

2 Samuel 1:3

Ut laj David kixpatz' re: “B'ar xatchalk chaq?”. Kichaq'ok li winq: “Xin'elelik chaq sa' xmuheb'aaleb' laj puub' aj Israel”, chan.

Ezequiel 27:30

Ut te'xjap re chi yaab'ak chawix, te'tz'uyinq chi q'axal ra sa' xch'ooleb'. Te'xk'e pojtz' sa' xjolomeb' ut te'xsotob' rib' sa' cha.

2 Samuel 13:19

Ab'anan naq wank chik sa' b'e, kixk'e cha sa' xjolom ut kixq'ich li xchaab'il jut-aq' li wank chirix. Chirix chik a'an kixtikib' yaab'ak, kixk'e li ruq' sa' xjolom ut chajcho re naq koho.

2 Samuel 24:20

Naq laj Arawná kiril li awab'ej ut eb' laj k'anjel chiru yookeb' chi chalk, ki'elk chi xk'ulb'aleb', kiwiq'laak ut kixhupub' rib' chiru ch'och', chiru li awab'ej, ut kixye: