2 Reyes 7:4 - Q'eqchi Bible

⁴ Wi ta too'ok sa' li tenamit, tookamq xb'aan li we'ej yo aran; ut wi tookanaaq arin, yal tookamq ajwi'. Xaqliiqo b'i', ut q'axonqo sa' xyanqeb' laj puub' aj Aram. Wi aran te'xkuy qamaak, tooyo'yooq; wi ut toohe'xkamsi, tookamq”, chankeb'.

Li Santil hu

⁴ Ma̱cꞌaꞌ rajbal nak to-oc saꞌ li tenamit. Toca̱mk xban cueꞌej. Abanan cui tocana̱k arin toca̱mk ajcuiꞌ. Toxic saꞌ lix naꞌajeb li soldado aj Siria. Cui eb aꞌan incꞌaꞌ toeꞌxcamsi, us. Cui ut toeꞌxcamsi toca̱mk, chanqueb.

2 Reyes 7:4 ပူးပေါင်းရင်းမြစ်များ

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

2 Samuel 14:14

Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

1 Crónicas 12:19

Wankeb' ajwi' aj Manasés ke'okenk chirix laj David, naq a'in koho chi yalok rik'in laj Saúl rochb'eeneb' laj Filistea. Ab'anan laj David ink'a' kiruuk xtenq'ankileb' laj Filistea, xb'aan naq eb' li neke'jolomink reheb' ke'xch'utub' rib' ut ke'xchaq'rab'i laj David; ke'xye: “Laj David tooxkamsi ut chi jo'kan taa'okenq chirix laj Saúl li xqaawa'”.

2 Reyes 6:24

Chirix chik a'an, laj Ben-Adad, awab'ej re Aram, kixch'utub' chixjunileb' laj puub' ut koxsut li tenamit Samaria.

2 Reyes 7:5

Naq ak ok re li q'oqyink, koheb' sa' xyanqeb' laj Aram. Ut naq ke'wulak nach' rik'in li xmuheb'aaleb', maa'ani chik wank aran.