2 Reyes 7:2 - Q'eqchi Bible

² Kichaq'ok laj tenq' re li awab'ej: “Us ta raj li Qaawa' tixte chaq xb'entaanil li choxa, maajaruj taak'ulmanq li yookat chi xyeeb'al”, chan re li xtaql li Yos. Ab'an laj Eliseo kixye: “Relik chi yaal naq taawil rik'ineb' xsa' laawu, ab'an ink'a' taatzeka a'an”.

Li Santil hu

² Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 7:2 ပူးပေါင်းရင်းမြစ်များ

Malaquías 3:10

K'amomaq chaq li junjunq sa' xlajeetqil chixjunil; k'amomaq chaq chi tz'aqal re ru sa' li xloq'laj k'uuleb'aal, re naq wanq li tzekemq sa' li wochoch. Yalomaq wix chi jo'kan, ut laa'in tinte li choxa re eerosob'tesinkil chi yo'oon.

Génesis 7:11

Lajeek'aal xkab' o'q'ob' (600) chihab' wank re laj Noé naq kik'ulmank a'an: sa' li wuqlaju xb'e li xkab' po ke'puk'je'k chaq li ha' li wankeb' taq'a jo' ajwi' li wankeb' taqe'q.

2 Timoteo 2:13

Wi ink'a' tiik qach'ool chirix, a'ut A'an junelik tiik xch'ool xb'aan naq ink'a' naru tixq'et rib'.

Romanos 3:3

Ut wi wank sa' xyanqeb' li ink'a' ke'paab'ank, k'a' tqaj wi'? Rik'in naq ink'a' ke'xnaw paab'ank ma tixkanab' li Yos xk'eeb'al li k'aru kixyeechi'i chaq?

Salmos 78:41

Ke'ok wi' chik chi xyalb'al rix li Qaawa' ut ke'xchiq' xjosq'il li xSant laj Israel.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

2 Reyes 5:18

Ab'anan chixkuyaq taxaq inmaak li Qaawa' rik'in li tinb'aanu: naq li awab'ej aj eechal we taaxik chi loq'onink sa' rochoch li yos Rimón ut tinxchap re xwiq'ib'ankil rib', jo'kan naq tinwiq'laaq ajwi' laa'in. A' taxaq li Yos chikuyuq inmaak”.

Deuteronomio 3:27

Taqen sa' xb'een li tzuul Piská, taqsi laawu sa' rokeb'l saq'e, sa' releb'l iq', sa' rokeb'l iq' ut sa' releb'l saq'e. Taawil li na'ajej, xb'aan naq ink'a' toxaaq'ax li nima' Jordán.

Jeremías 29:32

Jo'kan naq laa'in, li Qaawa', tink'e laj Semaías, aj Nehelam, chi xtojb'al li xmaak jo'wi' chixjunileb' li ralal xk'ajol. Maajun reheb' a'an taawanq sa' xyanqeb' lintenamit, chi moko toxyal li sahilwank li tink'e reheb' lintenamit, xb'aan naq laj Semaías xk'am xb'eheb' chi q'etq'eto'k chiwu», chan li Qaawa'”.

Números 11:13

B'ar tintaw tib' laa'in re xk'eeb'al reheb' chixjunil li tenamit a'in li yookeb' chi yaab'ak chiwu: «K'e qatib' chiqatzeka», chankeb'.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.