2 Reyes 4:41 - Q'eqchi Bible

⁴¹ “K'amomaq chaq kach'inaq ink'aj”, chan laj Eliseo. Naq ke'xk'e re, kixkut sa' li uk'al ut kixye: “K'ehomaq reheb' li poyanam re te'tzekanq”. Ut naq ke'xyal, chaab'il chik li tzekemq, maak'a' reek' li wank chisa' li uk'al!

Li Santil hu

⁴¹ Li profeta Eliseo quixye reheb: —Cꞌamomak chak caꞌchꞌinak li cꞌaj, chan. Nak queꞌxqꞌue re, quixcut saꞌ li ucꞌal ut quixye re lix mo̱s: —Qꞌue lix tzacae̱mkeb, chan. Ut nak queꞌxyal queꞌxqꞌue retal nak ma̱cꞌaꞌ re̱cꞌ. Cha̱bil chic.

2 Reyes 4:41 ပူးပေါင်းရင်းမြစ်များ

2 Reyes 2:21

laj Eliseo koho chire li yu'amha', kixkirkiri chi atz'am ut kixye: “Jo'ka'in xye li Qaawa': «Laa'in xinb'an li ha' a'in; ink'a' chik taakamsinq ut chaab'ilaq chik li ch'och'»”.

Éxodo 15:25

Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

1 Corintios 1:25

Xb'aan naq li xmemil li Yos a'an xnimal na'leb' chiru li xna'leb'eb' li winq, ut li xmajelal xkawilal li Yos a'an q'axal chik kaw chiru li xkawilaleb' li winq.

Hechos 28:5

A'ut laj Pablo kixchiq'chiq'i li xul sa' xb'een li xam ut maak'a' kixk'ul.

San Juan 9:6

Naq ak xye a'in, kichuub'ak sa' ch'och', kixyiib' sulul rik'in li xchuub', kixyul li sulul sa' ru li mutz' ut kixye re:

2 Reyes 6:6

“B'ar xnaqk?”, chan li xtaql li Yos. Naq li winq kixk'ut chiru li na'ajej b'arwi' xt'ane'k li maal, laj Eliseo kixyok' jun li che', kixkut sa' li ha' ut li maal kitaqe'k chaq sa' xb'een li ha'.

2 Reyes 5:10

Ab'an laj Eliseo kixtaqla xyeeb'al re: “Ayu ut atin wuqub' sut sa' li nima' Jordán. Taayo'laaq chaq wi' chik laatib'el, ut ch'ajob'resinb'il tatkanaaq”.