2 Reyes 22:9 - Q'eqchi Bible

⁹ Chirix chik a'an laj Safán laj tz'iib' koho rik'in li awab'ej ut kixye re li k'aru kik'ulmank: “Eb' laj k'anjel chawu ak ke'xxok li tumin wank sa' rochoch li Qaawa' ut ke'xq'axtesi reheb' li neke'jolomink re li xyiib'ankil li loq'laj ochoch”, chan.

Li Santil hu

⁹ Chirix aꞌan laj Safán laj tzꞌi̱b quixcꞌam li hu ut co̱ riqꞌuin li rey Josías ut quixye re: —Eb laj cꞌanjel cha̱cuu queꞌxchꞌutub li tumin li cuan saꞌ li templo ut queꞌxqꞌue reheb li nequeꞌjolomin re li cꞌanjel, chan.

2 Reyes 22:9 ပူးပေါင်းရင်းမြစ်များ

Ezequiel 8:11

Wankeb' ajwi' lajeeb' xkaak'aal chi cheekel winq aj Israel li yookeb' chi xloq'oninkil ru eb' li jalanil yos; li junjunq wank xxanxaar sa' ruq' ut najt nawulak xsununkil li k'ajpom. Sa' xyanqeb' a'an wank laj Jasanías, ralal laj Safán.

Jeremías 41:2

laj Ismael, ralal laj Natanías, rochb'eeneb' li lajeeb', ke'wakliik ut ke'xkamsi laj Kedalías, ralal laj Ajikán ut ri laj Safán, li kixaqab'aak chi xjolominkileb' laj Judá xb'aan li awab'ej re Babilonia.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Jeremías 39:14

ke'xtaqla risinkil laj Jeremías chiru xneb'aalil li rochocheb' laj k'aak'alenel ut ke'xq'axtesi re laj Kodolías, ralal laj Ajikán, ri laj Safán, re naq taak'ame'q wi' chik sa' li rochoch. Jo'kan naq li propeet kikanaak sa' xyanqeb' li wankeb' Jerusalén.

Jeremías 29:3

Li hu a'in kitaqlaak chirix laj Elasá, ralal laj Safán, ut chirix laj Kemarías, ralal laj Jilkías, a'aneb' li ke'taqlaak xb'aan laj Sedesías, li awab'ej re Judá, re xik chi aatinak rik'in laj Nabukodonosor, li awab'ej re Babilonia. Naxye chi jo'ka'in:

Jeremías 26:24

B'anyox re laj Ajikán, ralal laj Safán, naq kixkol laj Jeremías chiru li kamk, ut ink'a' kiq'axtesiik sa' ruq'eb' li k'iila poyanam.

2 Reyes 25:22

Laj Nabukodonosor, awab'ej re Babilonia, kixxaqab' laj Kedalías, ralal laj Ajikán, ri laj Safán, chi xjolominkileb' li poyanam ke'kanaak Judá.

2 Reyes 22:12

ut tikto kixye re laj Jilkías, xb'eenil aj tij, jo'wi' re laj Ajikán, ralal laj Safán, re laj Akbor, ralal laj Mikeas, re laj Safán aj tz'iib' ut re laj Asaías, laj k'anjel chiru li awab'ej:

2 Reyes 22:3

Ak waqxaqlaju chihab' rokik chi awab'ejink laj Josías, naq li awab'ej kixtaqla laj Safán, aj tz'iib' chiru, ralal laj Asalías ut ri laj Mesulán, sa' rochoch li Qaawa'. Laj Josías kixye re laj Safán chi jo'ka'in:

2 Reyes 18:18

Tikto ke'xb'oq li awab'ej, ab'an laj Esekías ink'a' ki'elk chaq, kixtaqla b'an laj ilol re li rochoch li awab'ej, aj Eliakín xk'ab'a', ralal laj Jilkías, jo'wi' laj Sebná aj tz'iib' ut laj Johaj, ralal laj Asaf, xjolomileb' laj k'anjel.

2 Reyes 22:8

Naq kirab'i a'in, laj Jilkías, xb'eenil aj tij, kixye re laj Safán laj tz'iib': “Xintaw sa' rochoch li Qaawa' li xhuhil li Chaq'rab'”. Ut kixq'axtesi li hu re laj Safán, ut a'in kiril xsa'.

2 Reyes 22:10

Kixye ajwi' re li awab'ej: “Laj Jilkías, li xb'eenil aj tij, xtaw li hu a'in”. Ut laj Safán kixyaab'asi xsa' li hu chiru li awab'ej.