2 Reyes 2:3 - Q'eqchi Bible

³ Eb' li propeet li wankeb' aran Betel ke'elk chaq chi xk'ulb'al laj Eliseo ut ke'xye re: “Ma nakanaw naq hoon li Qaawa' tixmaq' chawu laj tzolol aawe?”. Kichaq'ok laj Eliseo: “Hehe', ninnaw. Ab'anan maak'a' teeye!”, chan.

Li Santil hu

³ Eb li profeta li cuanqueb Bet-el queꞌco̱eb chixcꞌulbal laj Eliseo ut queꞌxye re: —¿Ma nacanau nak anakcuan li Ka̱cuaꞌ ta̱risi cha̱cuu laj Elías laj tzolol a̱cue? chanqueb. Laj Eliseo quixye reheb: —Ninnau. Abanan canabomak a̱tinac, chan.

2 Reyes 2:3 ပူးပေါင်းရင်းမြစ်များ

2 Reyes 4:38

Chirix chik a'an laj Eliseo kisutq'iik sa' li tenamit Kilkal, naq yo tz'aqal li we'ej aran. Sa' jun kutan k'ojk'ookeb' li propeet chiru laj Eliseo, ut a'in kixye re laj tenq' re: “K'e li nimla uk'al sa' xam ut k'uub' xtzekemqeb' li propeet”.

2 Reyes 4:1

Jun li ixq, rixaqil jun li propeet, kixb'oq laj Eliseo ut kixye re: “Wa', laa'at nakanaw chi us naq linb'eelom junelik xpaab' li Qaawa'. Ab'anan xkamk chi wank xk'as. Ut anaqwan li winq wan wi' qak'as, xk'ulunk ut traj xk'amk'aleb' linwiib' chi yum chi munil”.

2 Reyes 9:1

Laj Eliseo kixb'oq jun reheb' li propeet ut kixye re: “Kawresi aawib', k'am li jun meet chi aseeyt a'in ut ayu Ramot, sa' xteepal Galahad.

1 Reyes 20:35

Jun li winq, xkomoneb' li propeet, kixye re li rech propeetil, sa' xk'ab'a' li Qaawa': “Tiq'in”, chan re. Ab'an li winq a'an ink'a' kiraj xtiq'b'al.

Hechos 22:3

“Laa'in aj Judiiy, yo'lajenaqin Tarso xteepal Silisia ut k'iiresinb'ilin arin Jerusalén. Kintzole'k rub'el roq laj Gamaliel li kixk'ut chiwu xpaab'ankil chi us li xChaq'rab' eb' li qana' qayuwa'. Kaw kink'e linch'ool chi xraab'al li Yos kama' yookex chejunilex laa'ex anaqwan.

Isaías 8:18

Arin wankin wochb'eeneb' li walal xk'ehom we li Qaawa' jo' loq'laj eetalil cho'q reheb' laj Israel, sa' xk'ab'a' li Nimajwal Yos, li nahilank sa' li tzuul Sión.

2 Reyes 5:22

Kisumeek: “Maak'a' xk'ulmank, ab'anan laj eechal we xinxtaqla chaq chi xyeeb'al aawe naq wiib'eb' xtzolomeb' li propeet xe'chalk chaq sa' k'iche'b'aal xteepaleb' laj Efraín. B'aanu usilal, k'e reheb' oxib' mil li tumin plaat ut wiib'aqeb' sumal raq'eb'”.

2 Reyes 2:15

Naq eb' li propeet ke'ril laj Eliseo chi sutq'iik wankeb' wi' junpak'al, ke'xye: “Li xmusiq' laj Elías xkanaak rik'in laj Eliseo”, chankeb'. Ut koheb' chi xk'ulb'al, koxe'xwiq'ib' chiru ut ke'xye re:

2 Reyes 2:7

Ab'anan lajeeb' roxk'aal chi propeet koheb' chirixeb' toj chire li nima' Jordán, najt b'ayaq rik'in laj Elías ut laj Eliseo, naq koxe'xaqliiq aran.

2 Reyes 2:5

Ab'anan eb' li propeet li wankeb' aran Jerikó ke'elk chaq chi xk'ulb'al laj Eliseo ut ke'xye re: “Ma nakanaw naq hoon li Qaawa' tixmaq' chawu laj tzolol aawe?”. Kichaq'ok laj Eliseo: “Hehe', ninnaw. Ab'anan maak'a' teeye!”, chan.

1 Reyes 18:4

xb'aan naq junxil naq lix Jesabel yo xkamsinkileb' li xpropeet li Qaawa', kixkoleb' o'k'aal chi propeet ut kixmuqeb' sa' wiib' ochoch pek, lajeeb' roxk'aal kixmuq sa' li junjunq chi ochoch pek, ut kixch'oolaniheb' rik'in wa ut ha'.

1 Samuel 19:20

Tikto kixtaqlaheb' winq re xchapb'al laj David. Ab'an naq ke'wulak aran, ke'ril jun ch'uuteb' chi propeet chi aatinak jo' propeet, ut laj Samuel yo chi k'amok b'e chiruheb'. Toja' naq li xmusiq' li Yos kichalk sa' xb'eeneb' li xtaql laj Saúl ut eb' a'an ajwi' ke'ok chi aatinak jo' propeet.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

1 Samuel 10:5

Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

2 Reyes 6:1

Sa' jun kutan eb' li propeet ke'xye re laj Eliseo: “Ili, li na'ajej wanko wi' aawochb'een, jwal kach'in cho'q qe.

Amós 7:14

Kichaq'ok laj Amós ut kixye re laj Amasías: “Moko laa'in ta propeet chi moko xkomonin eb' li propeet, laa'in b'an aj ilol ketomq ut aj sik'ol ru iig.