2 Reyes 18:3 - Q'eqchi Bible

³ Kixb'aanu li nawulak chiru li Qaawa', jo' tz'aqal kixb'aanu laj David li xyuwa'.

Li Santil hu

³ Laj Ezequías quixba̱nu li us chiru li Dios joꞌ quixba̱nu laj David lix xeꞌto̱nil yucuaꞌ.

2 Reyes 18:3 ပူးပေါင်းရင်းမြစ်များ

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Li xHu LAJ JOB 33:27

Toja' naq tatb'ichanq chiruheb' chixjunil li tenamit chi jo'ka'in: “Xinmaakob'k ut xinb'aanu li ink'a' us; ab'an li Yos ink'a' xinxk'e chi xtojb'al rix linmaak.

2 Crónicas 29:2

Laj Esekías kixb'aanu li nawulak chiru li Qaawa', jo' tz'aqal kixb'aanu laj David li xyuwa'.

2 Reyes 22:2

Laj Josías kixb'aanu li nawulak chiru li Qaawa', ut tz'aqal kixtaaqe li xb'e laj David li xyuwa': kixpaab' li Yos chi tz'aqal re ru.

1 Reyes 15:11

Laj Asá kixb'aanu li nawulak chiru li Qaawa', jo' tz'aqal kiwank laj David li xyuwa'.

1 Reyes 15:5

Kixb'aanu chi jo'kan, xb'aan naq laj David kiwank sa' tiikilal chiru li Qaawa' ut ink'a' kixq'et junaq xchaq'rab' li Qaawa' chiru chixjunil li xyu'am. Ka'ajwi' kimaakob'k chiru laj Urías laj Hit.

1 Reyes 11:38

Wi taapaab' chixjunil li tinye aawe, wi tatwanq sa' xyaalal ut taab'aanu li tiikilal chiwu rik'in xpaab'ankil li waatin ut linchaq'rab' jo' kixb'aanu laj David laj k'anjel chiwu, laa'in wanqin aawik'in ut tinxaqab' laawankilal chi junajwa jo' naq kinb'aanu re laj David.

1 Reyes 11:4

Sa' chik li xtiixilal, eb' li ixq ke'po'ok xch'ool laj Salomón re xloq'oninkileb' li jalanil yos, ut li xch'ool moko kiwank ta junes cho'q re li Qaawa' li xYos, jo' naq kiwank laj David li xyuwa'.

1 Reyes 3:14

Wi tatwanq sa' tiikilal ut taapaab' linchaq'rab' ut eb' li waatin jo' kixb'aanu laj David laayuwa', laa'in tinnajtob'resi roq laayu'am”.

Deuteronomio 6:18

B'aanuhomaq li tiikilal ut li us chiru li Qaawa' re naq sahaq sa' leech'ool ut toxeereechani li chaab'il ch'och' li kixyeechi'i li Qaawa' reheb' leena' leeyuwa',

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Efesios 6:1

Ex alalb'ej, chepaab' leena' leeyuwa' sa' xk'ab'a' li Qaawa' xb'aan naq a'an eek'ulub' xb'aanunkil.

Romanos 7:12

Relik chi yaal naq li Chaq'rab' a'an sant; ut li qataqlankil xb'aan, sant ajwi', tiik ut us.

Salmos 119:128

Nink'e inch'ool chirix laataqlahom, ut xik' nawil chixjunil li tik'ti'.

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

2 Reyes 12:3

Ab'anan ink'a' kirisiheb' li na'ajej naloq'onimank wi' eb' jalanil yos, ut eb' li tenamit toj neke'mayejak ajwi' ut neke'k'atok pom sa'eb' li tijob'aal sa' xjolomeb' li tzuul.

2 Reyes 14:3

Laj Amasías kixb'aanu li nawulak chiru li Qaawa', ab'an ink'a' tz'aqal jo' kixb'aanu laj David li xyuwa'; kiwank b'an jo' kixb'aanu laj Johás li xyuwa'.

Isaías 38:3

“At Qaawa', jultikaq taxaq aawe naq tiik ru linyu'am; xinwank chawu sa' chaab'ilal ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.