2 Reyes 17:9 - Q'eqchi Bible

⁹ Eb' laj Israel ke'xb'aanu chi muqmu li ink'a' nawulak chiru li Qaawa' li xYoseb': ke'xyiib'atq tijob'aal re xloq'oninkileb' li jalanil yos, sa' chixjunil li xtenamiteb', chalen sa'atqeb' li kab'l najteb' xteram neke'ilok wi' li tenamit toj sa'atqeb' li tenamit suttz'akeb' rix.

Li Santil hu

⁹ Eb laj Israel queꞌxba̱nu chi mukmu li incꞌaꞌ quicuulac chiru li Ka̱cuaꞌ lix Dioseb. Queꞌxyi̱b li naꞌajej re xlokꞌoninquileb li yi̱banbil Dios saꞌ chixjunileb li tenamit. Ut queꞌxyi̱b ajcuiꞌ saꞌ eb li cocꞌ cab najt xteram li nequeꞌcuan cuiꞌ li nequeꞌiloc re li tenamit, joꞌ eb ajcuiꞌ li tenamit li cauresinbileb re xcolbaleb rib.

2 Reyes 17:9 ပူးပေါင်းရင်းမြစ်များ

2 Reyes 18:8

Kixq'ax ruheb' laj Filistea toj Gasa ut sa' xnub'ajlil, chalen sa'eb' li rochochil k'aak'alenk tenamit toj sa'eb' li suttz'akal tenamit.

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Ezequiel 8:12

Toja' naq li Qaawa' kixye we: “At kaamel winq, ma xawil k'aru neke'xb'aanu sa' muqmu eb' li xcheekelal laj Israel? Ma xak'e reetal chanru naq li junjunq naxloq'oni ru li xjalanil yos sa' li xtijob'aal? Sa' xch'ooleb' a'an naq ink'a' nawil ruheb' ut xin'elk sa' li tenamit a'in”.

Li xHu LAJ JOB 31:27

ink'a' xink'e wib' chi b'alaq'iik, ink'a' xinloq'oniheb' sa' muqmu.

Deuteronomio 27:15

«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich' re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,

Deuteronomio 29:25

Ut taayeemanq reheb': «Xb'aan naq ke'xq'et li Sumwank kixb'aanu li Qaawa', a' li xYos eb' li xxe'toonil yuwa'eb', naq kirisiheb' chaq sa' li tenamit Ejiipt.

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

Isaías 29:15

Ra chaalel sa' xb'eeneb' li neke'xmuq rib' chiru li Qaawa' yal re xmuqb'al li xk'a'uxeb'! Neke'b'aanunk maa'usilal sa' li aak'ab' ut neke'xye: “Maajun na'ilok qe, maajun nanawok qu”, chankeb'.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.