2 Reyes 16:3 - Q'eqchi Bible

³ kixb'aanu b'an jo' ke'xb'aanu eb' li awab'ej re Israel, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ru xb'aan li Qaawa' chiruheb' laj Israel.

Li Santil hu

³ Quixba̱nu ban li incꞌaꞌ us joꞌ queꞌxba̱nu lix reyeb laj Israel toj retal quixqꞌue chokꞌ cꞌatbil mayej li ralal re xlokꞌoninquil li yi̱banbil dios. Quixba̱nu li ma̱usilal joꞌ queꞌxba̱nu li tenamit li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

2 Reyes 16:3 ပူးပေါင်းရင်းမြစ်များ

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

2 Reyes 21:2

Ab'an laj Manasés ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

2 Reyes 21:11

“Jwal nim li xmaak laj Manasés, awab'ej re Judá. Q'axal numtajenaq wi' chik li maa'usilal xb'aanu chiru li ke'xb'aanu eb' laj Amor junxil chaq, ut kixk'am xb'eheb' laj Judá re xloq'oninkileb' ru eb' li jalanil yos.

2 Reyes 17:17

Ke'xk'ehatq chi k'ate'k eb' li ralal xk'ajoleb' cho'q mayej, ke'patz'okje'k rik'ineb' laj q'e ut ke'xtzolatq li nawalink. Ke'xk'e xch'ooleb' chi xb'aanunkil li maa'usilal xb'aan li tumin, toj reetal ke'xchiq' xjosq'il li Qaawa'.

Ezequiel 20:31

Naq nekeyeechi'i leemayej ut nekek'at sa' xam eb' leeralal eek'ajol, toj yookex chi xtz'ajninkil eerib' chiruheb' li jalanil yos chalen toj anaqwan. Ma tinkanab' tab'i' naq texpatz'oq wik'in, ex ralal xk'ajol laj Israel? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in -chan li Qaawa'-.

Ezequiel 20:26

Kinkanab'eb' chi xtz'ajninkil rib'eb' rik'in li xmayejeb', naq ke'xyeechi'i eb' li xb'een ralaleb' cho'q k'atb'il mayej chiruheb' li jalanil yos, re raj naq te'xiwaq ut te'xnaw naq laa'in li Qaawa' Yos».

Ezequiel 16:47

Ut laa'at kak'anasi li xmaa'usilaleb' chi numtajenaq wi' chik; chi moko rik'in a'an kik'ojlaak laach'ool, kaq'ax b'an chik ru li xb'aanuhomeb' a'an.

Ezequiel 16:21

kamayeja ajwi' eb' li walal ink'ajol chiruheb' li jalanil yos, ut kaq'axtesiheb' chi kamk sa' xam.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Salmos 106:35

ke'xlaq'ab' b'an chik rib' rik'ineb' li maak'a'eb' xpaab'aal ut ke'xtzol chixjunil li neke'xb'aanu a'an.

2 Crónicas 33:6

Kixk'ateb' li ralal cho'q xmayej sa' xtaq'ahil Ben-Hinón ut kixtzol li q'ehink, li nawalink ut li tuulak. Kipatz'okatq rik'ineb' laj q'e ut rik'ineb' li musiq'ej; xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Crónicas 33:2

Ab'anan ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

2 Crónicas 22:3

Ab'anan a'an ajwi' kixb'aanu li ink'a' us jo' kixb'aanu li xjunkab'al laj Ajab, xb'aan naq li xna' kiminok ru chi xb'aanunkil li maa'usilal.

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

2 Reyes 21:6

Kixk'at li ralal cho'q xmayej; kixtzol li q'ehink ut li nawalink, kipatz'okatq rik'ineb' laj q'e ut rik'ineb' li musiq'ej. Xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Reyes 8:18

Ab'anan kixb'aanu ajwi' jo' li xna'leb'eb' li awab'ej re Israel, jo' tz'aqal kixb'aanu li xjunkab'al laj Ajab, xb'aan naq kixk'am cho'q rixaqil li xrab'in laj Ajab. Jo'kan naq kixb'aanu li k'aru ink'a' nawulak chiru li Qaawa'.

1 Reyes 14:24

Sa' li tenamit ke'wank ajwi' li ke'xq'axtesi rib' sa' li tz'i'b'eetal aj b'aanuhom: a' li ko'b'eetak yumb'eetak re loq'onink. A' ajwi' li tz'i'b'eetalil uxb'il xb'aaneb' li tenamit li ke'aanilasiik xb'aan li Qaawa' chiruheb' laj Israel ke'xk'e rib' chi xb'aanunkil.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

Levítico 20:2

“Ye reheb' laj Israel: “Wi junaq aj Israel malaj aj ab'l tenamit li wanq Israel tixq'axtesi junaq ralal re li yos Molok, tento taakamsiiq chi pek xb'aaneb' li tenamit.

2 Reyes 17:8

ut ke'xb'aanu li tz'i'b'eetalil neke'xb'aanu eb' li tenamit li kixsacheb' li Qaawa' chiruheb' laj Israel.

2 Reyes 17:19

Ab'anan chi moko eb' laj Judá ke'xpaab' xchaq'rab' li Qaawa' li xYoseb', ke'xk'e b'an xch'ooleb' chirix li maa'usilal li k'aynaqeb' xb'aanunkil eb' laj Israel.

Miqueas 6:7

Ma tixk'ul tab'i' li Qaawa' jun milaq chi karneer malaj k'iila o'q'ob' kuk chi aseeyt? Malaj ut tinmayeja li xb'een walal xb'aan naq xinq'etq'eti wib' chiru? Ma tinmayeja tab'i' li walal re xtojb'al rix linmaak?”.

2 Reyes 17:16

Ke'xkanab' xpaab'ankil chixjunil li xchaq'rab' li Qaawa' li xYoseb' ut ke'xha'lesi li q'anch'iich' re xyiib'ankil li xyoseb', eb' li wiib' xjalam uheb' li wakax jo' ajwi' li xjalam u lix Aserá. Ke'xwiq'ib' rib' chi xloq'oninkil ru eb' li chahim chiru choxa ut ke'mayejak chiru laj Bahal.

2 Reyes 21:9

A'ut eb' a'an ink'a' ke'xpaab', ut laj Manasés kixk'am xb'eheb' chi xb'aanunkil li maa'usilal, ut q'axal yib' wi' chik ru ke'xb'aanu chiru li ke'xb'aanu eb' li tenamit ke'sache'k ru xb'aan li Qaawa' chiruheb' laj Israel.

Isaías 57:5

li nekexxik chi xb'aanunkil leemaa'usilal rub'eleb' li ji malaj rub'elatq k'a'aq chik chi ninqal che'; nekekamsi leekok'al chireheb' li nima' ut sa'atqeb' li ochoch pek.