2 Reyes 11:4 - Q'eqchi Bible

⁴ Chiru li xwuq chihab', laj Johadá aj tij kixtaqla xb'oqb'aleb' li xjolomileb' li o'taqk'aal chi aj puub' jo'wi' eb' laj taqlanel ut eb' laj k'aak'alenel, ut kixch'utub'eb' rik'in, sa' rochoch li Qaawa'. Aran kixk'uub' jun sumwank rik'ineb' ut kixtz'aama li jurament chiruheb'. Toja' naq kixk'ut chiruheb' laj Johás, li ralal li awab'ej.

Li Santil hu

⁴ Nak yo̱ chic xcuuk chihab laj Joiada laj tij quixtakla xbokbaleb li nequeꞌtaklan saꞌ xbe̱neb li soldado ut eb li capitán joꞌ eb ajcuiꞌ li soldado li nequeꞌcꞌacꞌalen. Nak queꞌcuulac, quirocsiheb saꞌ lix templo li Ka̱cuaꞌ. Nak cuanqueb aran queꞌxcꞌu̱b ru cꞌaꞌru teꞌxba̱nu ut queꞌxba̱nu li juramento saꞌ xcꞌabaꞌ li Ka̱cuaꞌ. Tojoꞌnak laj Joiada quixcꞌut chiruheb laj Joás li ralal li rey Ocozías.

2 Reyes 11:4 ပူးပေါင်းရင်းမြစ်များ

2 Reyes 11:19

ut kixjunajiheb' li xjolomileb' li o'taqk'aal chi aj puub' jo'wi' eb' laj taqlanel, eb' laj k'aak'alenel ut chixjunileb' li poyanam. Ke'rochb'eeni li awab'ej chalen sa' rochoch li Qaawa' toj sa' rochochil li awab'ej, ke'ok sa' li okeb'aal neke'wank wi' eb' laj k'aak'alenel, ut ke'xk'ojob' laj Johás sa' xk'ojarib'aaleb' li awab'ej.

2 Reyes 11:9

Eb' li xjolomileb' li o'taqk'aal chi aj puub' ke'xb'aanu chixjunil jo' kixye laj Johadá laj tij. Li junjunq kixk'ameb' laj puub', a'eb' li neke'elk ut neke'ok sa' xk'anjeleb' chiru li kutan sábado; chirix chik a'an koxe'xk'ut rib' chiru laj Johadá laj tij.

2 Crónicas 15:12

Ut ke'xk'e rib' sa' aatin naq te'xpaab' li Qaawa', xYos li xxe'toonil yuwa'eb', chi anchaleb' xch'ool ut anchaleb' li raanm.

2 Reyes 11:17

Chirix chik a'an laj Johadá kixk'ojob' jun sumwank rik'in li Qaawa' ut li tenamit, re naq a'anaqeb' tz'aqal xtenamit li Qaawa'. Jo'kan ajwi' kixb'aanu rik'in li awab'ej ut li tenamit.

Hechos 5:26

Tikto koho laj jolominel reheb' laj k'aak'alenel rochb'eeneb' laj tenq' re, ut sa' usilal kixk'ameb' chaq li apóstol xb'aan xxiweb' chiruheb' li tenamit, re naq ink'a' te'teniiq chaq chi pek.

Hechos 5:24

Naq ke'rab'i a'in, laj jolominel reheb' laj k'aak'alenel sa' rochoch li Yos ut eb' li xb'eenil aj tij ke'sachk xch'ool chi xk'oxlankil k'aru xyaalal chixjunil a'an.

Nehemías 10:29

ke'xjunaji rib' rik'ineb' li xkomoneb' ut eb' laj k'amol xb'eheb', ut ke'xye raatineb' sa' jurament naq junelik te'xpaab' li Chaq'rab' xk'ehom li Yos re laj Moisés laj k'anjel chiru. Ke'xye naq te'xyu'ami ut te'xk'anjela ru chixjunil li raatin, li xchaq'rab' ut li xtaqlahom li Qaawa' li qaYos.

Nehemías 9:38

Sa' xk'ab'a' chixjunil a'in laa'o naqaye li qaatin naq tqapaab' li sumwank a'in. Xe'xk'ulub'an li hu a'in eb' laj k'amol qab'e, eb' laj Leví ut eb' laj tij, li ke'xtz'iib'a ajwi' xk'ab'a'eb'.

Nehemías 5:12

Ke'chaq'ok eb' a'an ut ke'xye: “Taaqaq'ajsi ut maak'a' chik tqapatz' reheb'. Taaqab'aanu jo' xaye laa'at”, chankeb'. Toja' naq kinb'oqeb' laj tij re naq chiruheb' a'an te'xye sa' jurament naq te'xb'aanu li xyehomeb'.

2 Crónicas 29:10

Ab'an anaqwan x'alaak sa' inch'ool xk'ojob'ankil jun sumwank rik'in li Qaawa', xYos laj Israel, re naq tixnajtob'resi qik'in li xnimal xjosq'il.

1 Crónicas 9:13

ut eb' li rech'alaleb', aj jolominel junkab'aleb'. Wankeb' tana waqxaqk'aal ro' o'q'ob' (1,760) chi winq, chixjunileb' neke'xnaw k'anjelak sa' rochoch li Yos.

2 Reyes 23:3

Chirix chik a'an kixxaqab' rib' chi xk'atq roqechal li loq'laj ochoch ut kixk'ojob' li sumwank a'in rik'in li Qaawa': kixye li raatin naq eb' laj Judá te'xpaab' li Qaawa' ut te'xyu'ami li xchaq'rab', li raatin ut chixjunil li xtaqlahom chi anchaleb' xch'ool chi anchaleb' raanm, ut te'xk'anjela ru li Sumwank jo' tz'iib'anb'il sa' li Hu. Ut chixjunileb' li tenamit ke'xsume xb'aanunkil li naxye li sumwank.

1 Reyes 18:10

Sa' xk'ab'a' li Qaawa' laaYos ninye aawe naq maak'a' junaq tenamit malaj awab'ejihom ink'a' ta xtaqla wi' aasik'b'al li awab'ej. Ut wi neke'xye naq maa'anihat aran, naxk'eheb' chi xyeeb'al rik'in jurament naq tz'aqal yaal naq ink'a' xate'xtaw.

1 Samuel 23:18

Ut xkab'ichaleb' ke'xk'uub' jun sumwank chiru li Qaawa'. Chirix chik a'an laj David kikanaak Jorsa ut laj Jonatán kisutq'iik sa' rochoch.

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

Josué 24:25

Sa' li kutan a'an laj Josué kixk'ojob' jun li sumwank rik'in li tenamit; kixchaq'rab'iheb' ut kixk'e xtaqlankileb' aran Sikem.

Génesis 50:25

Toja' naq laj José kixk'eheb' li ralal laj Israel chi xyeeb'al rik'in jurament: “Ch'olch'o naq li Yos tulexrula'ani; toja' naq teexok linb'aqel arin ut teek'am cherix”.

2 Samuel 20:23

Laj Johab a'an xjolomil chixjunileb' laj puub' aj Israel. Laj Benaías, ralal laj Johadá, a'an xjolomileb' laj Keret ut eb' laj Pélet.

2 Reyes 11:3

Waqib' chihab' kiwank chi muqmu laj Johás sa' rochoch li Qaawa' rochb'een lix Joseba, naq lix Atalía yo chi awab'ejink sa' li tenamit.

2 Samuel 8:18

Laj Benaías, ralal laj Johadá, nataqlank sa' xb'eeneb' laj Keret ut eb' laj Pélet. Eb' li ralal laj David a'aneb' ajwi' aj tij.

1 Reyes 14:27

Jo'kan naq laj Robohán li awab'ej kixtaqla xyiib'ankil li reeqajeb' li ke'elq'aak, junes rik'in chik q'anch'iich', ut kixq'axtesiheb' reheb' li neke'taqlank sa' xb'eeneb' laj ilol re li rochoch li awab'ej.

2 Reyes 12:7

Toja' naq laj Johás li awab'ej kixb'oq laj Johadá laj tij ut li xkomoneb' laj tij, ut kixye reheb': “K'a'ut naq toj maji' nekeyiib' chi us li rochoch li Qaawa'? Chalen anaqwan ink'a' chik teek'ul li tumin sa' ruq'eb' laj k'anjel, teeq'axtesi b'an re xyiib'ankil chi us li tijob'aal”.